WAKUWAʼIPA SÜNAIN ANOUJAA
Jülüja paaʼin tü kasa anakat putuma maʼaka naaʼinrüin shia Jehová
«Talatüshi maʼin Jehová namaa na aʼyataashiikana nümüin» (Sal 149:4). Mayaainjeʼe nnojoluin lotuin maʼin wakuwaʼipa, ayatüsia jülüjain naaʼin Jehová tü kasa anakat watuma otta tü eekat süpüla wountuin. Eejeetpejeʼe kaʼi kapüleejeetka oʼu wamüin jülüjain waaʼin tü kasa anakat watuma. Sünainjee tü naainjakat wamüin na waneinnua jee saalinjee tü kasa mojupuʼukat watuma, eesüjaʼa jülüjale waaʼin nnojoluin kasain anain apüla waya jee maalin waya nüpüla Jehová. Mülejeʼeya pukuwaʼipa, ¿kasa paaʼinrajatka süpüla püsünneʼerüin tia suluʼujee paaʼin?
«Shia jülüjaka saaʼin wayuu tü shiʼrakat, akaajasaʼa Jehová shia jülüjaka naaʼin tü suluʼukat saaʼin wayuu» (1Sa 16:7). Eesü waneirua kasa anasü niʼraka Jehová suluʼu wakuwaʼipa, tü nnojotkat jülüjain maʼin waaʼin. Sükajee tü Bibliakat eesü süpüla wayaawatüin saaʼu tü niʼrakat Jehová suluʼu wakuwaʼipa. Pikirajaale sünain waneirua wetsiikulo jee waneirua aküjalaa, piyaawateerü aaʼu aishaatain maʼin nüpüla Jehová na aʼyataashiikana nümüin.
SÜCHIKIJEE JÜNAJÜIN TÜ VIDEOKOT NAAPEERÜ JEHOVÁ WAMÜIN WANEE ANAA AYATÜLE MOJUKUʼU SÜMÜIN WAAʼIN SAALINJEE WAAINJALA, JUSOUTA SHIʼIPAJEE PÜTCHIKAT TÜÜ:
-
¿Kasa watüjaka nüchiki Jehová nünainjee chi wayuu ayoujiraaikai otta nünainjee chi nüshikai?
-
Kaainjarale wanee wawala jee nukumajüle sukuwaʼipa süpüla aleewain nia nüchikuaʼa nümaa Jehová, ¿kasa naaʼinrajatka suulia ayatüin mojuin naaʼin saalinjee naainjala? (1Juan 3:19, 20, TNM).
-
¿Jamüsü anaka naaʼin chi wawalakai naashajeʼerapa otta nüsakireʼerapa naaʼin süchiki nukuwaʼipa David otta Jehosafat?
