¿Jamüsü nnojotka ponuin waaʼin maliajaale sünneetse wanee mma maaʼulu yaa? Shia süka sülüʼülüin sükalia süpüla sajaʼttüin tü kasa mojusükat. Müsü tü Bibliakat: «[Anasü] nnojorüle naʼatapajüin anain nakuwaʼipa sünainjee washirüin naya» (1Ti 6:17; 2Ti 3:1, TNM). ¿Jamüsü anaka waaʼinrüle tü naaʼinrakat Jehosafat soʼunnaa shiʼrüin wayuu maʼletsee?

Nushutunuinjachipa aaʼu Jehosafat niʼitaain maʼin naaʼin sünain nükaalinjeechin nia Jehová (2Cr 20:9-12). Nnojoluiwaʼaya nushutunuin aaʼu aaʼinrüshi waneirua kasa süpüla naaʼinmajüin na judíokana, nukumajirüin süsepü tü pueulokot otta yapashii nutuma na surulaatkana (2Cr 17:1, 2, 12, 13). Müshiʼiya wayakana, anasü weʼitaale waaʼin sünain nükaalinjeenain waya Jehová otta yapa waya süpülapünaa weʼrüin müliaa.

SÜCHIKIJEE JÜNAJÜIN TÜ VIDEOKOT ¿YAPASHICHE EERA PIA EEJAʼALAA SÜMÜLE WANEE KASA? JUSOUTA SHIʼIPAJEE PÜTCHIKAT TÜÜ:

• ¿Kasa paaʼinrajatka süpüla yapain pia eejaʼalaa sümüle wanee kasa?

  Süpüla püshajüin pusoutia

• ¿Kasa paaʼinrajatka süpüla pükaalinjain na waneinnua eejaʼalaa sümüle wanee kasa?

  Süpüla püshajüin pusoutia