Nowienpüroʼu 18-24
SALMOS 107, 108
Jayeechi 7 otta oʼuraajaa | Pütchi suʼttiainjatka (1 min.)
1. «Jaapa analuʼut nümüin Jehová süka anamiain nia»
(10 min.)
Taashishii na israelitakana Babiloniajee nutuma Jehová, akaʼaya neʼe wayakana taashisü wakuwaʼipa suulia tü kasa nümaʼanajeejatkat Satanás (Sl 107:1, 2; Col 1:13, 14).
Kojutusü maʼin wamüin tü naaʼinrakat Jehová wapüleerua, müshiijeseʼe waʼwaajüin nia namaa na wawalayuukana (Sl 107:31, 32; w07-S 15/4 20 püt. 2).
Süpüla talatüin maʼin waaʼin saaʼujee tü kasa naapakat Jehová wamüin, jülüjainjatü maʼin waaʼin tü kasa naaʼinrakat wapüleerua sükajee alin waya nüpüla (Sl 107:43; w15 1/1 8 püt. 4).
2. Püchajaa süchiki kaaʼürüi suluʼu tü Bibliakat
(10 min.)
-
Sl 108:13. ¿Kasa waaʼinrajatka matsüinre waaʼin? (w23.10 17 püt. 20).
-
Sünainjee tü paashajeʼerakat soʼu semaanakat tüü, ¿jarat tü pütchi kamalainkat pümüin?
3. Wetsiikulo aashajeʼennajatka
(4 min.) 1Co 8:1-12 (th ekirajaaya 5)
4. Atüjainjachi pia yootirawaa
(3 min.) EEPÜNAALE PIA. (lmd ekirajaaya 1 pütchi 4).
5. Ayataʼaya pikirajüin wayuu
(4 min.) EEPÜNAALE PIA. Püküja jamüin sukuwaʼipa ekirajawaa sünain tü Bibliakat otta paapa tü tarjeta süpülajatkat ekirajawaa sünain tü Bibliakat (lmd ekirajaaya 9 pütchi 3).
6. Pütchi ekirajünüinjatka anain
(5 min.) ijwyp-S 90. Sünülia: ¿Kasa waaʼinrajatka suulia jülüjain waaʼin tü kasa mojeetkalü atuma waaʼin? (th ekirajaaya 14).
Jayeechi 46
7. Waapa analuʼut nümüin Jehová sükajee weeʼirain
(15 min.) Ekirajawaa namaa na jutkatüshiikana.
Mmotshii maʼin na israelitakana neʼrapa nachiiruajee na surulaat egiptojeʼewaliikana, taashipejeʼe naya nutuma Jehová nalatapa tü palaa ishosükat. Neeʼirajaka nümüin Jehová süpüla naapüin analuʼut saaʼujee tü naaʼinrakat napüleerua (Éx 15:1-19). Na eeʼirajakana palajana naya na tooloyuukana (Éx 15:21). Eeʼirajapuʼushi Jesús namaa na anoujashii namaiwajanakana süpüla naʼwaajüin Jehová (Mt 26:30; Col 3:16). Müsia maaʼulu yaa, eeʼirajüshii waya süka kojutuin wamüin tü naaʼinrakat Jehová wapüleerua. Waaʼinrüin tia sünain tü outkajawaakat otta sünain tü outkajawaakat miyoʼu. Tü jayeechikat «Anashiʼiya müin waya putuma Jehová» weeʼirajüin shia sünain tü outkajawaakat soʼujee juyakat 1966.
Suluʼu waneirua mma japüisü naaʼin na tooloyuukana neeʼirajapa suʼupala wayuu. Eeshii na japüikana sünain eeʼirajaa süka nnojoluin anain maʼin namüraluʼu. Soteepejeʼe waaʼin weeʼirajüin sünain tü outkajawaakat süpüla waʼwaajüin Jehová. Aʼyataashii maʼin na wawalayuukana sünain akumajaa jayeechi atütüleʼerüinjatka waaʼin otta sünain aneekaa tü weeʼirajüinjatkat sünain tü outkajawaakat. Tü waaʼinrajatkat neʼe shia weeʼirajüin nümüin chi Washi iipünaajachikai süka kojutuin wamüin tü naaʼinrakat wapüleerua jee alin nia wapüla.
Piʼitaa tü VIDEOKOT Anasü tü waʼyataainkat shiʼipaʼaya: Tü jayeechi waʼwaajakalü aka Maleiwa (shiʼipa 2). Püsakira sünain tüü:
-
¿Kasa alataka soʼu juyaka 1944 talataka atuma naaʼin na wawalayuukana?
-
¿Kasa naaʼinraka na wawalayuu chejeʼewaliikana Siberia süka kojutuin namüin eeʼirajaa nümüin Jehová?
-
¿Jamüsü kojutukaʼa maʼin namüin na Aküjaliikana pütchi neeʼirajüin nümüin Jehová?
8. Ekirajawaa sünain tü Bibliakat namaa na wawalayuukana
(30 min.) bt ekir. 18 püt. 6-15.
