Naashin Jesús, ashatünaa akuwaʼipachi chi eekai nüsülajülin (Lu 6:38). Wasülajüliire jee waaʼinrüle kasa anasü nayaaluʼu na waneinnua, nashateerü tia na wawalayuukana.

Waʼwaajüin Maleiwa wasülajüle süka waaʼin wamüiwaʼa. Jülüjashii naaʼin Jehová na akaalinjakana na wawalayuukana süka süpüshuaʼa naaʼin. Nüküjain nuwalaajeenain naya saaʼu tü naaʼinrakat (Pr 19:17).

SÜCHIKIJEE JÜNAAJÜIN TÜ VIDEOKOT ANASHIʼIYA MÜIN JIA JÜSÜLAJAWALIIN, JUSOUTA SHIʼIPAJEE TÜÜ:

• ¿Jamüsü sukuwaʼipa atumawaa tü wasülajakat süpüla nakaalinjünüin na wawalayuukana?

• Jaʼitairü wainmale jee palitchonle kasa wamaʼana, ¿jamüsü anaka wasülajawaire? (Paashajeʼera suluʼu jw.org tü pütchikat «Akaalinjiraashii naya napüshuaʼa»).