Waneepiale waya nümaa Jehová aneerü tü waaʼinrakat, tü wamakat otta tü suluʼukat wekii (Sl 19:14). Shiakalaka anain saashin tü Bibliakat jülüjale waaʼin waneepia tü kasa eekai shiimain, tü kojutukat sutuma wayuu, tü eekai lotuin akuwaʼipa, tü eekai wulein akuwaʼipa, tü aijiraakalü anainjee wayuu, tü anakalü atuma sünüiki wayuu nüchiki wane, tü eekai anain jee müsia tü kojutukalü anainjee wanee wayuu (Flp 4:8). Sutuma nnojoluin lotuin maʼin wakuwaʼipa, eejeerü kaʼi antajaajeetka wekiiruʼumüin kasa nnojotka anain. Wachecherüle waaʼin, wasünneʼereerü tia suluʼujee wekii. Wulere tü jülüjakat waaʼin, loteerü tü kasa waaʼinrakat (Mr 7:21-23).

Püshaja tü nnojotkalü anain süpüla jülüjain paaʼin wünaapünaa sünain tü wetsiikulokot:

Ro 12:3

Lu 12:15

Mt 5:28

Flp 3:13