WEKIRAJAAYAINJATÜ SÜNAIN TÜ OUTKAJAWAAKAT Oʼutuupüroʼu 2016
Wanüikinjatka sünain aküjaa pütchi
Sukuwaʼipa aküjaa pütchi süka Poonoo nümaa Maleiwa süpüla katüin poʼu waneepia., Ounejaaya wayuu sünain tü outkajawaakat otta wekirajaa wayuu sünain tü shiimainkat, eeʼiyataka kasa alatüin nümüin wanee wayuu ouktapa nia. Püshaja tü pünüikinjatkat sünainjee tü eeʼiyatünakat.
KOROLO KOJUTÜSÜ SULUʼUKA TÜ WIWÜLIAKAT
«Piʼitaa maʼin paaʼin nünain Jeʼwaa»
Saashin Proverbios kapiitulo 3, nuloʼireerü Jeʼwaa tü wakuwaʼipakat müleka weʼitaale maʼin waaʼin nünain. ¿Jamüsü süpüla pütüjaain saaʼu piʼitaale paaʼin nünain Jeʼwaa?
KOROLO KOJUTÜSÜ SULUʼUKA TÜ WIWÜLIAKAT
«Jalia shimeejayaai pia tü paaʼinkat»
Ashajünüsü suluʼu Proverbios kapiitulo 7 nüchiki wanee jimaʼai akatalaka naaʼin suulia nünüiki Jeʼwaa sutuma kamalain nümüin aainjaa kasa mojusü. ¿Kasa watüjaka sünainjee tü naainjakat?
KOROLO KOJUTÜSÜ SULUʼUKA TÜ WIWÜLIAKAT
Kojutüleesia tü kekiwaakat maʼin suulia tü oorokot
Saashin Proverbios kapiitulo 16, kojutüleesia tü kekiwaakat suulia tü oorokot. ¿Jamüsü kojutüleeka maʼin tü kekiwaa nümaʼanajeejatkat Maleiwa?
WAKUWAʼIPA SÜNAIN ANOUJAA
Yapa watuma tü wanüikinjatkat
Akatsüinraasü nanoula na wawalayuukana wayaletpa wajapü süpüla wasouktüin sünain tü outkajawaakat. Akaʼaya wayakana, akatsüinraasü wanoula sutuma wasouktüin. ¿Jamüinjatü sukuwaʼipa tü wanüikinjatkat?
KOROLO KOJUTÜSÜ SULUʼUKA TÜ WIWÜLIAKAT
Anajiraa waya namaa na waneeinnua
Nnojotsü eejaʼalaa müin tü aijirawaakat suluʼu nupueulose Jeʼwaa. Eesü süpüla sükaaliinjain waya tü Wiwüliakat süpüla wachecherüin waaʼin otta anajiraain waya namaa na wayuukana
KOROLO KOJUTÜSÜ SULUʼUKA TÜ WIWÜLIAKAT
«Pikiraja püchon wanaajiraa sümaa tü wopu kaluʼuinjachika nia»
¿Jamüsü choʼujaakalü namüin na tepichikana nachiaanüin? Suluʼu tü karalouktakat Proverbios kapiitulo 22, aküjünüsü pütchi jalouika maʼin namüin na kachonshiikana.
WAKUWAʼIPA SÜNAIN ANOUJAA
¿Paapüirü sümüin wayuu tü tarüjeeta süpülajatkat jw.org?
Paapa tü tarüjeetakat namüin na wayuukana süpüla naashajeʼerüinjatüin tü Wiwüliakat jee nanaʼlüin suluʼu Internet.
