«Anakaja müleka nnojorule jüchuntüin awalaajünaa», müshi Jesuu (Mt 10:8). Waaʼinrüin tia wanaa sümaa nnojoluin wachekajüin saaʼu tü Wiwüliakat otta tü karaloukta weitajakat (2Co 2:17). Kojutüpejeʼe maʼin tia karalouktakalüirua süka süküjüin tü shiimainkat nüchiki Maleiwa. Wainma aʼyatawaa otta wainma nneerü choʼujaaka süpüla shiyuʼnnüinjatüin otta suluwataanüin wamüin. Müsüjeseʼe shiainjatüin walüʼüjüin neʼe tü choʼujaakat wamüin.

Jülüja paaʼin jaralüinjatüin paapüin amüin wanee karaloukta püküjapa pütchi otta püküjapa pütchi süka tü kareetachonkot (Mt 7:6). Suulialeʼeya piitajüin neʼe karaloukta sümüin wayuu eekai sülatüin, paashajaa sümaa, piyaawateetka kamalainre sümüin tü pütchikat. Jülüja paaʼin saaʼinrüle wanee wayuu tü yalakat suluʼu tü pütchi süttakat. Nnojorüle jamajatüin tü pütchikat sümüin wanee wayuu, anasü paapüle sümüin wanee karalouktachon. Nnojotpejeʼe waʼalijirüinjatüin suulia wayuu tü rewiisütakat jee shiale wanee karaloukta müleka suchuntüle shia (Pr 3:27, 28).