KOROLO KOJUTÜSÜ SULUʼUKA TÜ WIWÜLIAKAT | ISAÍAS 58-62
Waküja süchiki tü juya eeinjatkalü oʼu anaa nutuma Jeʼwaa
«Tü juya eeinjatkalü oʼu anaa nutuma Jeʼwaa», nnojotsü shiain wanee juya
61:1, 2
-
Shia wanee sükalia nutuma Jeʼwaa süpüla noonooinjanain na anamiashiikana sümaa tü pütchi aküjünakat namüin.
-
Soʼu nükalia Jesuu, oʼttüsü tü juya eeinjatkalü oʼu anaa nüküjapa pütchi soʼu juyakat 29 otta ajaʼlajaʼaleesia shia wanaa sümaa süsalain naainjala na judíokana nutuma Jeʼwaa sajaʼttinnapa Jerusalén soʼu juyakat 70.
-
Maaʼulu yaa, oʼttüsü tü juya eeinjatkalü oʼu anaa nüikkalaapa Jesuu sünain aluwatawaa chaa sirumatuʼu soʼu juyakat 1914 otta ojutaajeerü shia süntapa tü müliaa miyoʼusükat.
Naapüin Jeʼwaa sümüin tü nupueulosekat «wunuʼulia miyoʼuyuu lotoko akuwaʼipa»
61:3, 4
-
Tü wunuʼulia miyoʼuyuukat, miyoʼujiraasü wanaawa, makalaka anain maʼin shiairua.
-
Aʼaniraasü tü suurulakat sümaa suurala tü waneeirua süpüla nnojoluinjatüin sujuttüin sutuma wawai.
-
Tü wunuʼulia joʼuucheinkat, anasü suupünaa seemiouse tü wunuʼulia miyoʼuyuukat otta süpana tü miyoʼuyuukat, ojutuusü mmoluʼumüin süpüla anain tü mmakat sutuma.
Sainküin tü mmakat, anasü nakuwaʼipa na wawalayuukana sutuma nakaaliinjünüin otta naaʼinmajünüin natuma na makana aka saaʼin «wunuʼulia miyoʼuyuu lotoko akuwaʼipa». Naya wayuukana naya na chainjanakana iipünaa yaayüliikana saaʼu tü Mmakat.
