Tü kasa waʼatapajakat müsü aka saaʼin wanee karapin (Heb 6:19). Sükaaliinjain waya suulia seemiajaain wanoula kasale alatüin wamüin (1Ti 1:18, 19). Eesü nnojorüle anain sukuwaʼipa wanee kasa waʼatapajakat, maʼletsere waya, kakaliale ayuulin waya, nünaajaale wanee kasa wanain otta shiale wanee kasa akayaleʼereeka waya nuulia Jeʼwaa.

Müsü weʼrakai saaʼin tü kasa naapeetkat wamüin Jeʼwaa sutuma kaʼatapalain otta kanoulain waya (2Co 4:16-18; Heb 11:13, 26, 27). Jülüjainjatü waaʼin weinshi tü kasa eeinjatkat saashin tü Wiwüliakat süpüla waʼatapajüin maʼin shia, jaʼitainna kepiainjanain waya iipünaa jee yaa saaʼu tü Mmakat. Waainjüle tia, ayateerü talatüin waaʼin suʼunnaa suuʼulakünüin waaʼin (1Pe 1:6, 7).

SÜCHIKIJEE JÜNAJÜIN TÜ VIDEOKOT «TALATA JAAʼIN SÜMAA TÜ KASA JAʼATAPAJAKAT», JUSOUKTA SHIʼIPAJEE PÜTCHIKAT TÜÜ:

• ¿Jamüsü anaka maʼin süpüla washatüin nukuwaʼipa Moisés?

• ¿Kasa naaʼinrüinjatka chi eekai laülaain süpüleerua nüpüshi?

• ¿Kasa eeka süpüla jikirajaain anain juʼwaajapa Maleiwa sümaa jüpüshi?

• ¿Jamüsü jüchecheraka jaaʼin sutuma tü kasa jaʼatapajakat?

• ¿Kasa wayuu tü piʼreekat maʼin amüin?