¿JAMÜSÜ CHOʼUJAAKA SHIA? Süpüla noʼtteʼennüin na wayuukana, choʼujaasü nachuntuin nünülia Jeʼwaa (Ro 10:13, 14, TNM). Eepejeʼe wayuu ekirajaakana sünain tü Wiwüliakat nnojoliikana jaa meein nümüin Jeʼwaa. Sünainjee tia, nayainjana wekirajaka na wayuu keeʼireekana aaʼin naʼwanajaain nakuwaʼipa süpüla naʼyataain nümüin Jeʼwaa. Nnojorüle naaʼin wanee wayuu sünain ekirajawaa, mayaapejeʼe kakaliaichin nia pikirajüin, anashi puuʼulaale suulia pikirajüin nia. Naya pükaalinja na wayuu neenakakana Jeʼwaa nünainmüin jee sünainmüin tü nupueulosekat (Jn 6:44). Eeshi süpüla pikirajüin nüchikuaʼa chi pikirajüinkai nuʼwanajaale nukuwaʼipa, süka kettaain nia «süpüla katüin noʼu waneepia» (Alu 13:48, TNM).

ANUU SUKUWAʼIPAINJATKA

• Ana pünüiki nümüin chi pikirajüinkai saaʼu nütüjeein maʼin tü sümakat tü Wiwüliakat (1Ti 2:4).

• Püküja nümüin jamüin choʼujaaka niʼitaain suluʼu nukuwaʼipa tü nikirajaakalü anain (Lu 6:46-49).

• Pikirajaa nümaa chi pikirajüinkai sünain tü nümakat Jesuu nüchiki chi apünajüikai otta püsakira nia kasain ataʼülüin nukuwaʼipa süpüla kooʼomüin nunoula. Püküja nümüin tia sümaa kamaneein pia (Mt 13:18-23).

• Püküja nümüin jamüin puuʼulaainjachika suulia pikirajüin nia sünain tü Wiwüliakat. Kamanee pia nümüin.

• Püküja nümüin puunejeechin nia soʼu wanee kaʼi otta pünaʼlaweechin nümüin. Otta püküja nümüin eein süpüla nikirajaain nüchikuaʼa naaʼinrüle tü nikirajaaitpakalü anain.

SÜCHIKIJEE JÜNAJÜIN TÜ VIDEOKOT, JUSOUTA SHIʼIPAJEE TÜÜ:

• ¿Kasa jaʼyaka saaʼu nünüiki chi ekirajünakai sutuma nnojoluin naaʼin sünain ekirajawaa?

• ¿Kasa naainjaka chi wawalakai süpüla niiʼiyatüin nümüin chi nikirajüinkai nunoutuinjatüin nukuwaʼipa?

• ¿Jamüsü sukuwaʼipa nutuma chi wawalakai süpüla nüküjain nümüin chi nikirajüinkai eein süpüla nikirajaain nüchikuaʼa mapeena?