Kojutushi Jeʼwaa waneepia nutuma Jesuu sükajee nünüiki jee tü kasa naaʼinrakat. Shia keeʼireeka naaʼin sütüjaain saaʼu wayuu niain kanüikin Jeʼwaa tü nikirajakat. Müshijeseʼe shiain nikirajüin akajee tü Wiwüliakat, «müsü tü ashajuushikat», maʼwaishi nia. «Atüjashi pia ekirajaa», nümünüle amüin Jesuu, «tü tekirajakat anain, [...] naapajala tamüin chi kajünalakai taya», maʼwaisü nünüiki. Shia kojutuleeka nümüin keraain nutuma tü nuluwataakalü anain nia Jeʼwaa (Jn 17:4).
¿Kasa waaʼinrajatka süpüla washatüin nukuwaʼipa Jesuu waaʼinrajatpa tü yaakat wünaapünaa?
-
Wekirajapa wayuu sünain tü Wiwüliakat jee shiale wekirajapa suluʼu tü outkajaaleekat.
-
«Atüjashi maʼin pia», wamünüle amüin.
-
Waneekapa tü kasa walatirüinjatkalü anain kaʼi.
