ATÜJAINJANA WAYA EKIRAJAA | TALATA MAʼIN PAAʼIN SÜNAIN EKIRAJAA WAYUU
Sükajee tü wekirajaayainjatkalü aka
Naapüin Jeʼwaa tü choʼujaakat wamüin süpüla mapüleein wekirajia sümüin wayuu. Eesü video, karaloʼutachein, rewiisüta, poyeeto, karaloʼutairua otta müsia tü Bibliakat (2Ti 3:16). Eesü waneʼeyaʼasa kasa naapaka wamüin Jeʼwaa süpüla waküjain jamaluʼuluin wanee pütchi suluʼu tü Bibliakat, maʼaka saaʼin Watchtower Library, JW Library®, PÜTCHIPÜLE SULUʼUKAT INTERNET sutuma Watchtower otta Nachajaayainjatü pütchi na aküjaliikana pütchi nüchiki Jeʼwaa.
Kamalainjeerü pümüin tü pütchi puusütakalü anain yala. Pikiraja na pikirajüinkana süpüla natüjaainjanain süpüleerua achajawaa pütchi suluʼu. Waaʼinrüle tia, kamalainjeerü namüin nachajaain yala tü natüjaweekalü aaʼu süchiki tü Bibliakat.
SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. PUUʼULAA NÜKAALINJAIN PIA JEʼWAA: SÜKAJEE TÜ WEKIRAJAAYAINJATKALÜ AKA, JUSOUTA SHIʼIPAJEE TÜÜ:
-
¿Kasa süküjaka Jade süchiki tü kasa akumajünakat?
-
¿Jalasü süchajaain Neeta pütchi wanaapünaaka sümaa tü süküjainjatkat sümüin Jade?
-
Talatüsü maʼin waaʼin wousütapa pütchi anaka maʼin suluʼujee tü Bibliakat jee waküjapa shia namüin na waneinnua.
¿Kasa jülüjaka saaʼin Neeta süchajaapa tü pütchi süküjainjatkat sümüin Jade?
-
¿Jamüsü saaʼin Neeta sutuma süntüin anain tü pütchi süchajaakalü achiki sükajee tü wekirajaayainjatkalü aka?
