WAKUWAʼIPA SÜNAIN ANOUJAA
Anainjatka atuma pukuwaʼipa waneepia: tü jeketkat karaloʼuta wekirajüinjatka aka wayuu
Anashaatasü tü karaloʼutakat jee tü poyeetokot süpüla wekirajain wayuu sünain. Wachuntuin maʼin nümüin Jeʼwaa nükaalinjain waya süpüla wekirajüin sooʼomüin wayuu (Mt 28:18-20; 1Co 3:6-9). ¿Kasa waaʼinrüinjatka süpüla wekirajüin süka tia karaloʼutakat?
Sutuma jeketüin sukuwaʼipa tia karaloʼutakat, choʼujaasü wanouteʼerüin sukuwaʼipa wekirajia. Anuu tü paaʼinrüinjatkat süpülapünaa pikirajüin wanee wayuu sünain tü Bibliakat jee yalapa pia sünain ekirajaa nia: *
-
Paashajeʼera tü pütchikat jee jülüja paaʼin tü asakinnakalü anain.
-
Paashajeʼera tü wetsiikulo aashajeʼennajatkat otta pükaalinja chi pikirajüinkai süpüla niyaawatüin saaʼu tü sümakat.
-
Piiʼiyata nümüin tü videokot otta püsakira nia sünain tü pütchi yalakat ashajünüin sünain tü karaloʼutakat.
-
Anasü keraale putuma wanee ekirajaaya nümaa chi pikirajüinkai.
Kamalainre nümüin wanee wayuu tü pütchi püküjakat, paapa nümüin tü poyeetokot (paashajeʼera tü pütchi süttakat « Tü paaʼinrüinjatkat paapüinjatüle tü poyeetokot Anainjatka atuma pukuwaʼipa waneepia soʼu tü palajatkat pukua»). Kettaale nutuma tü poyeetokot jee ayateere nia ekirajaweein, paapa nümüin tü karaloʼutakat jee pikiraja nia sünainjee tü ekirajaayakat 4. Puuʼulaainjatü suulia pikirajüin süka tü karaloʼutakat Kasa süküjaka jee shiale Waalin nüpüla Maleiwa süpüla pikirajüin süka tü karaloʼutakat Anainjatka atuma pukuwaʼipa waneepia. Püneekeerü jalejeeinjatüin puʼutuin sünain ekirajaa.
SÜCHIKIJEE JÜNAJÜIN TÜ VIDEOKOT SUKUWAʼIPAINJATÜ EKIRAJAWAA SÜNAIN TÜ BIBLIAKAT, JÜSOUTA SHIʼIPAJEE TÜÜ:
-
¿Kaseerü nayaawateetka aaʼu na wekirajüinkana nekirajaapa sünain tü jeketkat karaloʼuta?
-
¿Jamüsü piiʼiyatüinjatka videokot tüü namüin na eiwaʼaliikana ekirajaain sünain tü Bibliakat?
-
¿Kasa eeka süpüla naaʼinrüin chi pikirajüinkai? (Paashajeʼera tü pütchi süttakat « Tü pütchi sünainpünaakat tü pikirajakalü anain jee tü naaʼinrüinjatkat chi pikirajüinkai»).
^ püt. 4 NOOTA: Pikirajaapa sünain tia ekirajaayakat, yapainjatü putuma tü pütchi «Pünaʼla sooʼomüin» makat. Eesüjaʼa süpüla pikirajüin chi pikirajüinkai sünain. Yapale shia putuma, pütüjaweerü aaʼu tü kamalainjeetkat nümüin chi pikirajüinkai jee tü anainjatkalü atuma nukuwaʼipa. Püdescargaajüle tia karaloʼutakat suluʼu püserulaatse, eesü süpüla piʼitaain clic sünain tü video eeʼiyatünakat yala jee sünain tü pütchi sooʼomüin eʼitaanakat yala.
|
TÜ PÜTCHI SÜNAINPÜNAAKAT TÜ PIKIRAJAKALÜ ANAIN JEE TÜ NAAʼINRÜINJATKAT CHI PIKIRAJÜINKAI |
|||
|---|---|---|---|
|
EKIRAJAAYA |
TÜ PÜTCHI SÜNAINPÜNAAKAT TÜ PIKIRAJAKALÜ ANAIN |
TÜ NAAʼINRÜINJATKAT CHI PIKIRAJÜINKAI |
|
|
01-12 |
Watüjaweerü aaʼu eein süpüla anain wakuwaʼipa sutuma tü Bibliakat otta watüjeerü nüchiki chi kashajiralakai shia. |
Pütütüleʼera naaʼin chi pikirajüinkai süpüla naashajeʼerüin tü Bibliakat, yapain nutuma tü nikirajaainjatkalü anain otta nuʼunüin sünain tü outkajawaakat. |
|
|
13-33 |
Wayaawateerü aaʼu tü naaʼinrakat Jeʼwaa wapüleerua otta waʼwaajüinjachin nia wanaapünaa sümaa tü anakat noʼuluʼu. |
Pükaalinja chi pikirajüinkai süpüla yootuin nia namaa na waneinnua süchiki tü nikirajaakalü anain otta aküjalinjachin nia pütchi sümaa nnojolin woutiisain nia. |
|
|
34-47 |
Wekirajaa süchiki tü nuchuntakat Maleiwa namüin na aʼyataakana nümüin. |
Pütütüleʼera naaʼin chi pikirajüinkai süpüla naapüin naaʼin nümüin Jeʼwaa otta woutiisain nia. |
|
|
48-60 |
Jülüja waaʼin tü waaʼinrüinjatkat süpüla wayaawatüin tü waalinkat nüpüla Maleiwa. |
Pükaalinja chi pikirajüinkai süpüla niyaawatüin saaʼu tü anakat jee tü mojukat noʼuluʼu Maleiwa jee süpüla ayatüin nia nukooʼomüinrüin nunoula. |
|
