Wanee kasa jaaʼinrajatka süpüla naaʼinrüin jüchonnii tü nekirajaakalü anain nüchiki Jehová shia jümaale naya sünain tü outkajawaakat. Sünainjee tü neʼrakat, tü naapajakat jee tü nasoutakat sünain tü outkajawaakat, eeshii süpüla natüjain sooʼomüin nüchiki Jehová otta aleewain naya nümaa (Dt 31:12, 13) ¿Kasa jaaʼinrajatka süpüla anainjatüin nakuwaʼipa jüchonnii sünainjee tü outkajawaakat?

• Jüchajaa sukuwaʼipa süpüla juʼunuin namaa sünain tü outkajawaakat (Sl 22:22).

• Jüchajaa sukuwaʼipa süpüla yootuin naya namaa na wawalayuukana süpülapünaa otta süchikijee tü outkajawaakat (Heb 10:25).

• Jüchajaa sukuwaʼipa süpüla namaʼanain tü karaloʼuta wekirajaainjatkalü anain sünain tü outkajawaakat jee shiale namaʼanain suluʼu naserulaatse.

• Jükaalinja naya süpüla yapain natuma tü nanüikinjatkat sünain tü outkajawaakat (Mt 21:15, 16).

• Ana jünüiki süchiki tü outkajawaakat jee tü jütüjakat sünainjee.

• Jikiraja naya süpüla nakaalinjain sünain epitajaa tü Piichi Outkajaaleekat otta süpüla naashajaain namaa na wawalayuu laülaayuukana.

Eesüjaʼa shapaʼawaire jaaʼin saaʼujee tü jaaʼinrajatkat süpüla aleewain jüchonnii nümaa Jehová. Nükaalinjeenapejeʼe jia Jehová süpüla juuntuin tia (Is 40:29).

SÜCHIKIJEE JÜNAJÜIN TÜ VIDEOKOT JIA KACHONSHIIKANA, JIʼITAA JAAʼIN SÜNAIN NÜKAALINJEENAIN JIA JEHOVÁ, JUSOUTA SHIʼIPAJEE TÜÜ:

• ¿Kasa nooʼulaaka suulia naaʼinrüin Miguel sümaa Lidia sutuma mapüsain naya?

  Püshaja susoutia

• ¿Jamüsü nachuntuinjatka nümüin Jehová katsüinwaa aaʼin na kachonshiikana?

  Püshaja susoutia

• ¿Kasa naaʼinraka Miguel sümaa Lidia süpüla nooʼulaain nükaalinjain naya Jehová?

  Püshaja susoutia