Meeʼeraparale wanee wayuu, eesü süpüla mojuin maʼin naaʼin jee jamajüin nia atumawaa. Mmorüle maʼin waya neema na wayuu ayoutakana tü wanoujakalü anain, eesü süpüla seemiajaain wanoula. ¿Kasa paaʼinrajatka süpüla püchecherüin paaʼin meeʼeraparale pia?

Wainma na achechetkana aaʼin wanaa sümaa meeʼerapalain naya süka nachuntuin kaalinwaa nümüin Jehová (Sl 18:17). Yalayala aaʼinrü Ester otta süküja achiki tü kasa mojusü naainjeekat Hamán, chi wayuu müliakai atuma na aʼyataashiikana nümüin Maleiwa (Est 7:1-6). Süpülapünaa süküjain nüchiki Hamán, aamajüsü shia süpüla suchuntuin kaalinwaa nümüin Jehová (Est 4:14-16). Anakuwaʼipatsü shia nutuma Jehová saaʼujee yalayalain saaʼin otta naaʼinmajüin shia wanaa namaa na judíokana.

Jia tepichikana, meeʼeraparale jia, juchunta kaalinwaa nümüin Jehová otta jüküja tü alatakat jümüin nümüin wanee wawala eekai laülaain aaʼin sünain anoujaa. Puchunta kaalinwaa sümüin tü piikat jee shiale nümüin chi püshikai. Soto paaʼin nükaalinjeechin pia Jehová maʼaka nükaalinjain Ester. ¿Kasa amaa paaʼinrajatka meeʼeraparale pia?

SÜCHIKIJEE JÜNAJÜIN TÜ VIDEOKOT SOʼU JIMAʼALIN JEE MAJAYÜLÜIN JIA: ¿KASA TAAʼINRAJATKA MEEʼERAPARALE TAYA?, JUSOUTA SHIʼIPAJEE PÜTCHIKAT TÜÜ:

• ¿Kasa natüjaka na tepichikana sünainjee nukuwaʼipa Charlie otta sünainjee sukuwaʼipa Ferin?

  Püshaja susoutia

• ¿Kasa natüjaka na kachonshiikana sünainjee tü videokot?

  Püshaja susoutia