¿JAMÜSÜ CHOʼUJAAKA? Natüjaainjatü aaʼu na wayuukana tü nuluwataakalü anain Jeʼwaa otta naaʼinrüinjatü tü nümakat süpüla anainjanain naya noʼuluʼu (Isa 2:3, 4). Tü karalouktakat «Ayata alin jüpüla Maleiwa», suwalaʼata wekirajakalü aka na wayuukana, sükaaliinjeena naya süpüla natüjaainjatüin aaʼu sünainpünaain nakuwaʼipa tü sümakat tü Wiwüliakat (Heb 5:14). Süpüla neeʼiratüinjatüin nakuwaʼipa süka alin napüla Jeʼwaa, wachajaainjatü sukuwaʼipa süpüla sujutuuinjatüin tü pütchikat suluʼu naaʼin (Ro 6:17).

ANUU SUKUWAʼIPAINJATKA:

• Kettaa putuma palajana tü pikirajüinjatkalü anain. Jülüja paaʼin tü kasa isakat nüchiki. Süpüla pütüjaainjatüin saaʼu tü jülüjakat naaʼin otta tü suluʼukat naaʼin, püsakira nia sünain jamüin saaʼin nümüin tü nikirajaakalü anain (Pr 20:5; be-S süp. 259).

• Pikiraja nia süka tü pütchi süttakat süpüla nütüjaain saaʼu aneerüin nukuwaʼipa naaʼinrüle tü sümakat tü Wiwüliakat.

• Pikiraja nia süpüla niainjachin aneekaka wanee kasa süka naaʼin nümüiwaʼa sümaa jülüjain naaʼin anale jee mojule shia nümüin Maleiwa. Nnojo püneeküin wanee kasa nooʼopünaa (Gal 6:5).

• Jülüja paaʼin müleka choʼujaale nümüin nükaaliinjünüin süpüla niʼitaainjatüin suluʼu nukuwaʼipa tü sümakat tü Wiwüliakat. Pükaaliinja nia süpüla nunoukteʼerüinjatüin nukuwaʼipa süka alin nüpüla Jeʼwaa (Pr 27:11; Juan 14:31).