Eeʼirajüshi Pablo nümaa Silas nümüin Jeʼwaa wanaa sümaa püreesain naya (Alu 16:25). Achecheraakajasaʼa maʼin naaʼin sutuma tia. Müshia wayakana, suʼunnaa weʼrüin müliaa, eesü süpüla sütütüleʼerüin waaʼin otta süchecherüin tü wanoulakat tü jayeechiirua weeʼirajakat suluʼu tü Piichi Outkajaaleekat otta tü suluʼukat jw.org. Otta müsia, waʼwaajüin Jeʼwaa sükajee (Sl 28:7). Aküjünawaisü wamüin anain watüjale süpüleerua eeʼirajaa maʼaka jeʼra jayeechi. ¿Eesia pütüjain soʼutku? Eesü süpüla pikirajaain sünain tü jayeechikalüirua soʼu tü ai puʼwaajakalü oʼu Maleiwa.

SÜCHIKIJEE JÜNAJÜIN TÜ VIDEOKOT AʼWAAJÜNÜSHI JEʼWAA NATUMA NA TEPICHIKANA SÜKAJEE NEEʼIRAIN, JUSOUTA SHIʼIPAJEE TÜÜ:

• ¿Jamüsü anaka weeʼirajüle jayeechi nümüin Jeʼwaa?

• ¿Kasa naaʼinraka na wawalayuu suluʼukana Departamentos de Audio y Video süpülapünaa nakürawaajüin tü jayeechikalüirua?

• ¿Kasa naaʼinraka na tepichi eeʼirajüinjanaka otta na kachonshiikana süpülapünaa nakürawaajüin wanee jayeechi?

• ¿Jara tü jayeechiirua kamalainkat maʼin pümüin? ¿Jamüsü kamalainka shia pümüin?