¿JAMÜSÜ CHOʼUJAAKA? Nia Jeʼwaa chi kooʼomüinkai atuma nanoula na wayuu kettaakana süpüla katüin noʼu waneepia (Alu 13:48, TNM; 1Co 3:7). Aʼyataajiraashii waya nümaa Jeʼwaa wanaa sümaa wachajaain sukuwaʼipa süpüla wakaaliijain na wayuu eʼitaakana sünain nakuwaʼipa tü nekirajaakalü anain (1Co 9:26). Nayaawatüinjatü aaʼu na wekirajüinkana woutiisainjanain naya palajana süpüla noʼttaainjanain (1Pe 3:21, TNM). Süpüla noushikajaain na wekirajüinkana süchiirua nukuwaʼipa Jesuu, wakaaliijainjana naya süpüla nanouteʼerüin nakuwaʼipa, naküjain pütchi, nekirajüin wayuu otta naapüin naaʼin nümüin Jeʼwaa (Mt 28:19, 20).

ANUU SUKUWAʼIPAINJATKA

• Püma namüin na pikirajüinkana nekirajaain sünain tü Wiwüliakat süpüla neʼraajüin Jeʼwaa otta süpüla naaʼinrüin tü kasa anakat nümüin (Jn 17:3, TNM).

• Süpüla kooʼomüin nanoula, pükaalinja naya süpüla naʼaleewajaain sümaa wayuu anakana akuwaʼipa otta süpüla nooʼulaain wanee kasa mojusü naaʼinraka.

• Pütütüleʼera naaʼin süpülapünaa nawoutisaajüin jee ayataʼaya müin shia putuma süchikijee woutiisain naya (Alu 14:22).

SÜCHIKIJEE JÜNAJÜIN TÜ VIDEOKOT NÜKAALINJEECHI PIA JEʼWAA, JUSOUTA SHIʼIPAJEE TÜÜ:

• ¿Jamüsü kapüleeka namüin waneinnua wayuu naapüin naaʼin nümüin Jeʼwaa otta woutiisain naya?

• ¿Kasa eeka süpüla naaʼinrüin na laülaashiikana süpüla nakaalinjain na ekirajaakana sünain tü Wiwüliakat süpüla kooʼomüin nanoula?

• ¿Kasa shikirajaka anain waya Isaías 41:10 nüchiki Jeʼwaa?

• Mayaainjeʼe kaleʼeruʼuin waya kaainjalaa, ¿jaratche tü akuwaʼipaa ayateenaka atuma waya sünain aʼyatawaa nümüin Jeʼwaa?