16:12-15

¿Kasa watüjaka sünainjee tü wunuʼu jemeta eejuu aʼajünakat nümüin Maleiwa soʼu tü Kaʼi Sülatinnakalü oʼu Naainjala na israeliitakana?

• Noʼuraajapa na wayuu aʼyataakana nümüin Maleiwa, müsü aka saaʼin tü wunuʼu jemetakat eejuu aʼajünakat nümüin Maleiwa (Sl 141:2). Chi laülaashikai napüleerua na sacerdootekana naʼajapüʼüin tü wunuʼu jemetakat eejuu nümüin Jeʼwaa. Naainjain tia sümaa kojutuin maʼin nümüin shia. Müinjatia neʼe wakuwaʼipa woʼuraajapa nümüin Jeʼwaa, kojutuinjachi maʼin nia wamüin.

• Chi laülaashikai napüleerua na sacerdootekana naʼajapüʼüin tü wunuʼu jemetakat eejuu süpülapünaa naapüin tü mürüt oʼutunakalü aaʼin nümüin Maleiwa. Müsia neʼe sukuwaʼipa nutuma Jesuu süpülapünaa naapajiraain nikii. Oonooshi nia waneepia nümaa Maleiwa otta waneepiashi nia nümaa suluʼu kaʼikat süpüshuaʼa.

¿Kasa taaʼinrajatka süpüla anain noʼuluʼu Jeʼwaa tü taʼyataainkat nümüin?