KOROLO KOJUTÜSÜ SULUʼUKA TÜ WIWÜLIAKAT | SALMOS 74-78
Soto paaʼin tü kasa nukumajalakat Jeʼwaa
Choʼujaasü maʼin jülüjainjatüin waaʼin süpüshuaʼa tü kasa nukumajalakat Jeʼwaa
74:16; 77:6, 11, 12
-
Jülüjale waaʼin tü sümakat tü Nünüikikat Maleiwa, wayaawateerü aaʼu jamaluʼuluin shia otta kojuteerü wamüin tü kasa anakalü atuma wanoula.
-
Jülüjale waaʼin tü nukuwaʼipakat Jeʼwaa, soteerü waaʼin tü kasa nukumajalakat otta tü kasa naapüinjatkat wamüin mapeena.
Waneeirua kasa nukumajalakat Jeʼwaa
74:16, 17; 75:6, 7; 78:11-17
-
Tü kasa nukumajalakat:
Wekirajaale süchiki tü kasa nukumajalakat Jeʼwaa, aijeechi maʼin nia wapüla.
-
Na wawalayuu nüneekakana süpüla laülaain wapüleerua:
Jaa müinjana waya namüin na wayuu nüneekakana Jeʼwaa süpüla naaʼinmajüin tü nupueulosekat.
-
Tü kasa naaʼinrakat süpüla nuʼtteʼerüin tü nupueulosekat:
Sotule waaʼin tü kasa naaʼinrakat Jeʼwaa süpüla nuʼtteʼerüin paala tü nupueulosekat, weʼitaajeerü waaʼin sünain nükaaliinjeenain na aʼyataashiikana nümüin.
Eesüjaʼa kamalainjeerüle pümüin aashajeʼeraa tüü
ALEEWA PIA NÜMAA JEHOVÁ
Nukumajüin Jehová kasa süpüshuaʼa
¿Pütüjaa aaʼu jarai chi akumajünakai palajana nutuma Maleiwa? Pütüja wanaa nümaa Caleb jamakuwaʼipalüin sukumajia kasaka süpüshuaʼa nutuma Jehová.
