WAKUWAʼIPA SÜNAIN ANOUJAA
Eeshi süpüla pürekutsoolin rekulaat pia wanee juya
Pürekutsoorüle rekulaat pia, wainmeerü kasa anasü piʼraka sünainjee (Pr 10:22).
PÜREKUTSOORÜLE REKULAAT PIA:
-
Atüjeechi pia aküjaa pütchi otta talateerü paaʼin sünain aʼyatawaa nümüin Maleiwa.
-
Paʼaleewainjeechi maʼin Jeʼwaa otta paashajaale waneepia nüchiki, soteerü paaʼin anain maʼin tü nukuwaʼipakat.
-
Piʼitaajeerü palajana suluʼu pukuwaʼipa tü Nuluwataayakat otta talateerü paaʼin süka pükaaliinjain na waneeinnua (Mt 6:33, TNM; Alu 20:35, TNM).
-
Outkajaweechi pia namaa na pürekutsootkana nüntapa chi wawala alapalaakai waaʼu, süpülapünaa tü outkajawaa miyoʼu piantuaka juyawai otta sünain tü Ekirajawaa napülajatkat na Pürekutsootkana.
-
Pikirajeena maʼin na wayuukana sünain tü Wiwüliakat.
-
Aküjeechi maʼin pia pütchi namaa na wawalayuukana otta katsüinjeerü punoula nanainjee (Ro 1:11, 12).
