Soʼu juyakat tüü, oʼtteena waya sünain ounejawaa wayuu peʼureeroʼu 27 sünain tü Outkajawaakat eere Sotuin Waaʼin Ouktüin Jesuu. Wounejaainjana napüshuaʼa na wayuu kepiakana eere waküjüin pütchi süpüla noutkajaain wamaa. Eejeerü waaʼin süpüla wakaaliinjain chi eekai naapaain tü karaloukta ounejaayakat wayuu.

ANUU TÜ PÜNÜIKINJATKAT

«Tounejaain pia süpüla pürütkaainjachin sünain wanee outkajawaa anashaatasü maʼin. Watteena maʼin naalii wayuu outkajaainjanakana sainküin mmakat süpüshuaʼa süpüla sotuin waaʼin ouktüin Jesuu waaʼu, aainjüneerü tia maatsoʼu 23. Aküjüneerü wanee pütchi suluʼujeejatü tü Wiwüliakat süpüla wayaawatüinjatüin saaʼu jamüin aneetka maʼin wakuwaʼipa sutuma naapajiraain nikii Jesuu waaʼu. Nnojoleerü achuntünüin nneerü sümüin wayuu sünain tia outkajawaakat. Sünain karalouktakat tüü, ashajünüsü jalapüshinjatüin tü outkajawaakat otta jalainjatüin aainjünüin shia. Anashi pürütkaale sünain tia outkajawaakat».

Anuu tü paaʼinrajatkat kamalainre tü pütchikat nümüin chi wayuukai:

• PAAPA AAPIRIA WAYUU

  Püküja püleʼejeechin püchikuaʼa.

• PIIʼIYATA TÜ VIDEO SÜPÜLAJATKAT SOTUIN WAAʼIN OUKTÜIN JESUU

  Püküja püleʼejeechin püchikuaʼa

Puuyantapa püchikuaʼa:

• PIIʼIYATA TÜ VIDEOKOT ¿JAMÜSHII WEKIRAJAAINJANAKA SÜNAIN TÜ WIWÜLIAKAT?

  Süchikijee, paapa wanee karaloukta wekirajaka aka wayuu sünain tü Wiwüliakat.

• PAAPA TÜ KARALOUKTAKAT ¿KASA SHIKIRAJAKA MAʼIN TÜ WIWÜLIAKAT?

  Pikiraja chi wayuukai sünain süpana 206 sünainmüin 208, aashajaasü süchiki tü Outkajawaakat eere Sotuin Waaʼin Ouktüin Jesuu. Süchikijee, paapa nümüin tü karalouktakat.

• PAAPA TÜ POYEETOKOT POONOO NÜMAA MALEIWA

  Pikiraja chi wayuukai sünain süpana 18 otta 19, aashajaasü süchiki kasapülajachin ouktüin Jesuu. Süchikijee, paapa nümüin tü poyeetokot.