«Sümaʼinruʼu katüin poʼu, pümüliainjuteerü maʼin tü eküülü pikeetkat. Ouktapa pia, aleʼejeechi pia mmain püchikuaʼa. Mmainjachi pia püchikuaʼa süka tatükalain pia sünainjee mma.»

(Génesis 3:19)

«Na wayuu katayüliikana oʼu natüjaa aaʼu ouktüinjanain naya; aluʼusaʼa na ouktüshiikana nnojotsü kasain natüjaain aaʼu [...]. Eere wanee kasa paainjüinjatka, paainja shia. Süka jamüin, nnojolin süpüla niʼyataain wanee wayuu chaa eemüinjachire nojoittünüin, nnojotsü kasain jülüjüin naaʼin, nnojotsü kasain nütüjaain aaʼu otta nnojotsü kasain nütüjüin apüleerua.»

(Eclesiastés 9:5, 10)

«Nümataalaka joo [Jesús] namüin na nikirajüinkana: ‹Chi waʼaleewainkai Lázaro, atunküshi nia. Müshijeseʼe toʼunüinjachin chaa nümaʼanamüin tachijiraiwa nia›. Shia naashajaaka achiki Jesuu ouktüin Lázaro, eekajaʼa naashin na nikirajüinkana atunkayaashi neʼe nia. Nümakalaka joo Jesuu sünain lotuin nünüiki namüin: ‹Ouktüshi Lázaro›.»

(Juan 11:11, 13, 14)