Nünüiki Maleiwa tü pütchi suluʼukat tü Wiwüliakat. Makalaka «Nünüiki Maleiwa» sümünüin. Süküjüin wamüin tü waaʼinrajatkat süpüla anainjatüin wakuwaʼipa otta süpüla talatüinjachin Maleiwa wamaa. Asouktüsü shia shiʼipajee tü pütchikalüirua:

Eesü 66 karalouktairua suluʼu tü Wiwüliakat otta piamasü shiʼipapaʼa tü anüikii süshajünakalü aluʼu: Hebreoaramea otta Griego. Süpüla püchajaain wanee pütchi suluʼujee tü Wiwüliakat, püchajaainjatü süka kapiitulo otta wersiikulo. Piʼreerü palajana sünülia tü karaloukta püchajaainjatkalü aluʼu tü pütchikat; piʼreetka wanee nuumero, shia tü kapiitulokot; piʼreetka wanee nuumeroyaa, shia tü wersiikulokot. Müleka piʼrüle Génesis 1:1, shia Génesis kapiitulo 1, wersiikulo 1.