PÜTCHI 15
¿Kasa paaʼinrajatka süpüla anainjatüin pukuwaʼipa?
«Analeeshia wanee wayuu eekai niküin neʼe süchon aʼttiee sümaa wayuu aika apüla nia nuulialeʼeya chi wayuu ekakai paaʼairuku sümaa wayuu maaliinka apüla nia.»
(Proverbios 15:17)
«Tayakai Jeʼwaa, taya chi Pümaleiwasekai, Chi ekirajakai pia süpüla anainjatüin pukuwaʼipa, Chi oʼunirakai pia suluʼupünaa tü wopu puʼunüinjatkalü aluʼu.»
(Isaías 48:17)
«Anataʼaleeshiijaʼa na wayuu eʼrakana choʼujaain Maleiwa namüin süka nayeenain ekerotuin suluʼu tü Nuluwataayakat Maleiwa.»
(Mateo 5:3)
«Anasü aire püpüla wayuu süpüshuaʼa maʼaka aijiraain pia püpülajiraa.»
(Mateo 22:39)
«Jaainjüinjatü sümüin wayuu tü kasa jüchekakat saainjünüin jümüin.»
(Lucas 6:31)
«Naya analeekaʼaya na aapakana nünüiki Maleiwa sümaa noonooin sümaa.»
(Lucas 11:28)
«Jaʼitairü wattain saalii nuwashirüin wanee wayuu, nnojotsü saapüin wanee anaa nümüin.»
(Lucas 12:15)
«Müleka eere tü eküülü weküinjatkat otta tü kuluulu waʼatüinjatkat, anakajaʼa talatüle waaʼin sümaa tia.»
(1 Timoteo 6:8)
«Nia analeekaʼaya chi wayuu asülajakai nuulialeʼeya chi asülajünakai amüin.»
(Hechos 20:35)