«Jiakana kaʼwayuuseshiikana alinjatü jüpüla juʼwayuuse maʼaka alin jüpüla jiʼiruku. Aire nüpüla wanee wayuu tü nuʼwayuusekat, aishi nia nüpülajiraa. Nnojoishi eeichin wanee wayuu üttakai aaʼin sünainmüin niʼiruku. Aisü nüpüla otta naaʼinmajüin shia [...]. Jiakana tooloyuukana, alinjatü jüpüla juʼwayuuse waneʼewai jukua maʼaka aijiraain jia jüpülajiraa.»

(Efesios 5:28, 29, 33)

«Jiakana kachonshiikana, anainjatü jünüiki namüin na jüchonniikana suulia naashichijaain jooʼomüin. Jikirajüinjana naya sünain tü nuluwataakalü anain Jeʼwaa otta sünain tü nüchekakat.»

(Efesios 6:4)

«Jiakana jieyuu kaʼwayuusekana, kojutüinjachi jümüin juʼwayuuse.»

(Efesios 5:33)

 «Jiakana jieyuu kaʼwayuusekana, jüüjüüinjana jia nümüin juʼwayuuse. Shia nüchekaka jüpüleerua chi Senyotkai.»

(Colosenses 3:18)

«Jiakana tepichikana, joonoo sümaa nünüiki jüshi otta sümaa sünüiki jii süka saʼaniraain jukuwaʼipa nümaa chi Senyotkai. Shiainjatia neʼe jaaʼinraka tia. ‹Kojutü putuma püshi otta püi›, müsü tü pütchi aapünakat nümüin Moisés. Shia tü palajatkat pütchi aapaka anaa namüin na oonookana sümaa. ‹Süpüla anainjatüin pukuwaʼipa miyoʼupa pia otta piʼrüinjachin miyoʼuwaa yaa saaʼu mmaka›.»

(Efesios 6:1-3)

«Jiakana tepichikana, joonoo nümaa jüshi otta sümaa jii sünain kasa süpüshuaʼa. Shia nüchekaka jüpüleerua chi Senyotkai.»

(Colosenses 3:20)