«Paashajeʼeruinjatü weinshi tü pütchi nuluwataakalü anain Maleiwa. Paashajeʼerüinjatü sümaa jiattain pünüiki saʼwai jee soʼukai süpüla poonooin sümaa süpüshuaʼa tü ashajünakat yala. Aneetkalaka pukuwaʼipa eepünaale puʼunüin ooʼulaka kekiijeechi pia sünain tü paainjüinjatkat.»

(Josué 1:8)

«Ayatüshii naya sünain naashajeʼerüin tü Nünüikikat Maleiwa sümaa emetuluin nanüiki. Otta noloʼirüin shia namüin na wayuukana sümaa naküjüin jamaluʼuluin shia. Shiyaawatünakalaka aaʼu jamaluʼuluin tü pütchi ashajuushikat.»

(Nehemías 8:8)

«Anataʼaleeshijaʼa maʼin chi wayuu moonooinkai sümaa nanüiki na wayuu mojulaakana [...]. Shia naaʼinmaaka tü nünüikikat Jeʼwaa, naashajeʼerawalin shia soʼukai jee saʼwai sümaa jiattain nünüiki [...]. Aneerü sukuwaʼipa süpüshuaʼa tü kasa naaʼinrakat.»

(Salmo 1:1-3)

«Nuwataakalaka Felipe süchiirua tü kareetakat. Nüsaʼwatapa chi wayuukai, niʼrüin nia sünain aashajeʼeraa tü ashajuushikat nutuma Isaías chi nünüikimaajachikai Maleiwa, nümaka nümüin: ‹¿Eesüya piyaawatüin aaʼu  türa paashajeʼetkat?›. ‹¿Jamakuwaʼipalüinjatü süpüla tayaawatüin saaʼu sümaa nnojolin jaralin ekirajüin taya sünain?›, nümakalaka chi wayuukai.»

(Hechos 8:30, 31)

«Eʼraajünüsü nukuwaʼipa chi Maleiwakai sünainjee tü kasa nukumajakat jee sünain pülashin maʼin nia. Nnojotsü wayuu meʼraajüinka nüchiki Maleiwa süka shiʼrüin wayuu süpüshuaʼa tü kasa nukumajakat. Sükajee tia, ‹nnojoishi eein chi Maleiwakai›, nnojotsü süpüla sümüinjatüin wayuu.»

(Romanos 1:20)

«Ee paaʼin sünain tia. Nnojo piyouktajaain sümaa tia süpüla neʼrüinjatüin na waneeinnua sünain laülaain paaʼin sünain anoujaa.»

(1 Timoteo 4:15)

«Anakajaʼa müleka aijiraale waya otta wakaaliinjiraale. Jee anakajaʼa nnojoliire wooʼulaain suulia jutkatirawaa.»

(Hebreos 10:24, 25)

«Müleka choʼujaale kekiiwaa nümüin wanee anoujüshi, anakajaʼa nuchuntüle nümüin chi Maleiwakai. Süka matüjüin nia aʼalijiraa wanee kasa noulia na achuntakana nümüin.»

(Santiago 1:5)