¿Kasa eeka süpüla jüsülajüin namüin na jüchonniikana? Mayaapejeʼe anain aire naya jüpüla otta jaaʼinmajüle naya, eesü wanee kasa anaka maʼin süpüla jüsülajüinjatüin namüin: shia jikirajüle naya nüchiki Jeʼwaa otta tü pütchi suluʼujeejatkat tü Wiwüliakat (Juan 17:⁠3, NM). Jikirajüle na jüchonniikana, aijeechi Jeʼwaa napüla otta aʼyataweena naya nümüin süka süpüshuaʼa naaʼin joʼuuiwaʼaya naya (Mateo 21:16).

Motsoʼole jümaa sünain ekirajaa jüchonnii, wainmeerü tü kasa natüjeetkalü apüleerua. Makalaka waküjeein jümüin eeitpain joo tü karalouktakat Nikirajüin taya Maleiwa. Mapüleejeerü jümüin jikirajüin jüchonnii süka karalouktakat tüü. Anasü maʼin ekirajaa na tepichikana süka karalouktakat tüü süka anain maʼin tü ayaakuaa sünainkat otta tü pütchi ashajünakat suluʼu. Tü pütchi kanüliakat «tü paainjüinjatkat», süpülajatü pikirajüin na tepichikana süka. Soto jaaʼin nnojoluin shiain wanee karaloukta nashaittüinjatka aka na tepichikana. Akumajuushi süpüla jikirajüin na jüchonniikana otta süpüla aleewain maʼin jia namaa.

Anashanteerü maʼin jümüin ekirajaa na jüchonniikana tepichiiwaʼaya naya sükajee karalouktakat tüü (2 Timoteo 3:​14, 15).

Na juwalayuukana,

Laülaashii Jülüjakana Aaʼin na Aküjüliikana Pütchi sainküin Mma