EKIRAJAAYA 1
Anainjatü suʼttia pünüiki
Aluw. 17:22
PÜTÜJAINJATKA APÜLEERUA: Kamalainjatü namüin na wayuukana tü suʼttiakat pünüiki, pütüjaainjatü aaʼu palajana tü paashajaainjatkalü achiki otta püküja jamüin choʼujaaka shia namüin na wayuu aapajakana pünüiki.
SUKUWAʼIPAINJATKA
-
Kamalainjatü pünüiki. Püneeka tü püsakirüinjatkalü anain, tü paashajaainjatkalü achiki, shiale tü alatakat sümüin wanee wayuu jee shiale wane kasa alataka kamalainka namüin na wayuukana.
-
Tü paashajaainjatkalü achiki. Tü suʼttiakat pünüiki sünainpünaainjatü tü paashajaainjatkalü achiki otta mapüleeinjatü shia süpüla nayaawatüin saaʼu na aapajakana pünüiki.
-
Püküja jamüin choʼujaaka shia namüin. Tü paashajaakalü achiki, wanaapünaainjatü sümaa nakuwaʼipa na aapajakana pünüiki. Nayaawatüinjatü aaʼu jamüin choʼujaaka namüin tü paashajaainjatkalü achiki.
