Puʼuraaja otta jülüja paaʼin tü ekirajawaakat. Puchunta kaalinwaa nümüin Jehová süpüla shiainjatüin paashajaain achiki tü pütchi pikirajüinjatkat, nnojoishi piainjachin aʼwaajünüin sutuma wayuu. Shiainjatü jülüjaka paaʼin tü pütchiirua pikirajeekat maʼin anain. Püküjainjatü sükajee pünüiki, nnojotsü müinjatüin paashajeʼerakai saaʼin suluʼujee wanee karaloʼuta.

Kamanee maʼin pia. Jülüja paaʼin jamüin choʼujaaka naapajüin na wayuukana tü pütchikat. Jülüja paaʼin naya, jamüin naikalaaya, jamüin noʼupünaa, kasain naainjain, tia shiiʼiyatüin kamalainre namüin tü pütchikat otta kamaneere naya.

Piirakaa namüin na aapajakana pünüiki. Eeshi süpüla piirakaain namüin na wayuukana, nnojorüle mojushiin shia namüin. Pikirajüle, piirakaa nümüin wanee wayuu, suulialeʼeya piirakaain namüin napüshuaʼa uwatuwoʼushi.