ATÜJAINJACHI PIA YOOTIRAWAA
EKIRAJAAYA 4
Nnojo yaletüin paaʼin
Pütchi shiyuʼluushika anainjee: «Nnojoluinjatü yaletüin jaaʼin, kojutuinjana jutuma na waneinnua» (Filip. 2:3).
Tü sukuwaʼipakat nutuma Pablo
1. Pünaja tü VIDEOKOT jee shiale paashajeʼerüin Aluwataaushikana 26:2, 3. Süchikijee tia püsakira sünain pütchikat tüü:
-
1. ¿Kasa ayaawatüna akajee nnojoluin yaletüin naaʼin Pablo wanaa sümaa naashajaain nümaa Agripa, chi aluwataashikai?
-
2. ¿Kasa naainjaka Pablo süpüla niainjachin Jehová kapülain saaʼin wayuu jee kapülain saaʼin tü sümakat tü Bibliakat? (Pünaʼla tü sümakat Aluwataaushikana 26:22).
Tü watüjakat nünainjee Pablo
2. Kamalainjeerü sümüin wayuu tü pütchi waküjakat sümüin nnojorüle yaletüin waaʼin jee kojutule shia wamüin.
Waaʼinra tü naaʼinrakat Pablo
3. Kojuta pümüin wayuu paashajaapa sümaa. Nnojotsü jaʼyainjatüin paaʼu pütüjain maʼin jee nnojoluin kasain nütüjaain aaʼu chi wayuu paashajaakai amaa.
4. Sütüjaainjatü aaʼu wayuu suluʼujeejatüin tü Bibliakat tü pütchi pikirajakalü anain. Atanalaasü saaʼin wayuu sutuma tü nünüikikat Maleiwa. Püküjapa pütchi süka tü Bibliakat sunoujeerü anain wayuu tü pütchi shiimainkat.
5. Anamiainjachi pia. Nnojo ichein pia süchiirua tü pümakat, nnojotsü wacheküin achiki waʼayajiraainjanain. Jaʼyeerü paaʼu nnojoluin yaletüin paaʼin püchecherüle paaʼin jee piyaawatüle saaʼu joujain anashiin süpüla puʼunuin suulia pütkaʼalaain sümaa wayuu (Prov. 17:14; Tito 3:2). Anale pünüiki shiʼipajee wanee wayuu, eesüjaʼa kamalainjeerüle sümüin paashajaain sümaa wane pukueena.
