Aküjalaa suluʼujeejatü tü Wiwüliakat
Anashaataasü maʼin tü 116 aküjalaa eekat suluʼu, anashaatasü ayaakua suluʼuka, mapüleesat otta pansaasü süküjala.
Suʼttia
Aküjalaakat tüü ayuʼluushi suluʼujee tü Wiwüliakat. Aashajaasü süchiki jamakuwaʼipalüin tü wayuukalüirua saaʼu tü mmakat.
SHIʼIPA 1
Kasa akumajuushi otta juya miyoʼushaata
AKÜJALAA 1
Tü kasa akumajuushikat
Mapüleejeerü namüin na tepichikana aashajeʼeraa jee ayaawataa saaʼu jamakuwaʼipalüin tü kasakalüirua sümaiwa aküjünaka suluʼu Génesis.
AKÜJALAA 2
Wanee mma anasü
Aküjünüsü suluʼu Génesis nukumajüin Maleiwa wanee mma anasü chaa Edén. Keeʼireesü naaʼin Maleiwa anainjatüin mmakat süpüshuaʼa.
AKÜJALAA 3
Akumajünüsü wayuu
Akumajuushi Adán sümaa Eva nutuma Maleiwa sümaa niiʼitaain naya suluʼu wanee mma anasü, Edén sünülia. Kasatshii naya nutuma Maleiwa.
AKÜJALAA 4
Tü mma amülouikat
Aküjünüsü suluʼu Génesis jamüin amülouika tü mma anasükat, tü paraiisükat.
AKÜJALAA 5
Müliashi Adán otta Eva
Müliashi maʼin Adán sümaa Eva nnojoliipa naya suluʼuin tü mma anasükat, Edén. Nnojoliishiijeʼe müliain nachonnii noonoolejeʼe sümaa nünüiki Maleiwa.
AKÜJALAA 6
Anamia Abel nuulia Caín
Ekirajünüshii waya sükajee tü nukuwaʼipakat Caín otta Abel suluʼuka Génesis, süpüla watüjaainjatüin saaʼu tü waaʼinrajatkat otta tü kasa nnojoluinjatkat waaʼinrüin.
AKÜJALAA 7
Wayuu meimmoluinsai
Shiiʼiyatüin wamüin tü nukuwaʼipakat Enoc eein süpüla maainjalain waya jaʼitainna saʼakain waya wayuu kaainjarannuu.
AKÜJALAA 8
Wayuu miyoʼuyuushaata
Aküjünüsü suluʼu Génesis kapiitulo 6 müliapuʼuin wayuu natuma na wayuu miyoʼuyuushaatakana. Nefilim münüshii nachonnii na aapiee ooʼulaakana naʼyataain chaa iipünaa süpüla wayuuyaain naya.
AKÜJALAA 9
Wanee anua miyoʼushaata
Oonooshi Noé nümaa Maleiwa mayaainjeʼe nnojoluin nanoujain na wayuukana sümaa tü münakat namüin.
AKÜJALAA 10
Wanee juya miyoʼushaata
Asirajapuʼusü wayuu nüka Noé, nnojoliipajaʼa naya asirajüin neʼrapa shiʼitüin tü juya miyoʼushaatakat. Aküjalaakat tüü süküjain jamakuwaʼipalüin süpüla katüin noʼu Noé, na nüpüshikana otta tü mürütkalüirua.
AKÜJALAA 12
Wanee piichi miyoʼushaata
Nnojoishi talatüin Maleiwa sümaa tia, jee weʼrüin maaʼulu yaa tü alatakat sünainjee.
AKÜJALAA 13
Chi naʼaleewainkai Maleiwa
¿Jamüshi nuʼunaka Abraham nuumainpaʼajee eere anain nia paala süpüla kepiayaainjachin nia loona?
AKÜJALAA 14
Anoujushi maʼin Abraham
¿Jamüshi nuluwataanaka Abraham nutuma Maleiwa sünain oʼutaa naaʼin Isaac chi nüchonkai?
AKÜJALAA 15
Ichiijaasü nuʼwayuuse Lot
Eesü tü kasa shikirajakalü anain waya tü alatakat sümüin nuʼwayuuse Lot.
AKÜJALAA 16
Nuʼwayuuse Isaac
¿Jamüsü wayuuka anasü Rebeca süpüla nuʼwayuusein Isaac? ¿Shiache sutuma anasüchoin, shiataapa sutuma wanee kasa naata?
AKÜJALAA 17
Naatajai Esaú nuulia Jacob
Talatüshi maʼin Isaac nümaa Esaú, niaka alin süpüla Rebeca Jacob.
AKÜJALAA 18
Jacob otta Raquel
Shia neʼe aapünaka Lea nümüin Jacob eerejeʼe shiain keeʼireein naaʼin Raquel.
AKÜJALAA 19
Nüpüshi Jacob
¿Shiache sünülia tü poloosükat piamamüin neʼiruku na israeliitakana nanülia na polooshiikana piamamüin nüchonnii Jacob?
AKÜJALAA 20
Mojusü sukuwaʼipa Dina
Mojusü sukuwaʼipa sutuma aleewain shia namaa na wayuu nnojoliikana oonooin sümaa nünüiki Maleiwa.
AKÜJALAA 22
Püreesashi José
Püreesashi saaʼu naaʼinrüin tü anasükat, nnojotsü sünainjeejatüin naaʼinrüin wanee kasa mojusü.
AKÜJALAA 23
Nüʼlapüin Faraón
Eesü tü wanaawakalü aluʼu tü akaratshisükat paaʼa sümaa tü akaratshisükat trigo nüʼlapüjaaka Faraón.
AKÜJALAA 24
Nuwalayuu José
¿Jamüsü süpüla nütüjaain aaʼu José neeʼiratüle nakuwaʼipa na nuwalayuukana?
AKÜJALAA 25
Akolojoosü nüpüshi José
¿Jamushii israeliita namunaka na nuʼuliwoʼukana Jacob, nnojoliikaʼa jacobitayuu namünüin?
AKÜJALAA 26
Oonooshi waneepia Job
Ajaʼttüsü nuwashirüin Job, ayuuishi nia jee outushii napüshuaʼa na nüchonniikana. ¿Niache kasitka Maleiwa tü alatakat nümüin Job?
AKÜJALAA 27
Wanee Faraón mojulaashi
¿Jamüshi nuluwataaka Faraón na egipciokana sünain oʼutaa naaʼin na joʼuuyuu eekai tooloin süchonnii tü jieyuu israeliitakalüirua?
AKÜJALAA 28
Katüsü noʼu Moisés
Süchajaain sukuwaʼipa tü niikat Moisés süpüla nnojoluinjachin nuʼutunüin aaʼin chi süchonkai maʼaka nuluwataain shia Faraón.
AKÜJALAA 29
Eipinnüshi Moisés
Kettaayaashi Moisés naaʼinruʼu süpüla nükaalinjain na israeliitakana wanaa sümaa 40 nuuyase, nnojoipejeʼe kettaain nia.
AKÜJALAA 30
Wunuʼu chuwatüshi
Süchikijee naaʼinrüin Maleiwa kojuyasü kasa pülasü, nuluwataain Moisés sünain ayuʼlaa na israeliitakana chaa Egiptojee suulia achepchiaa.
AKÜJALAA 31
Moisés nipialuʼu Faraón
¿Jamüshi niʼrüika wayumüin Faraón nümüin Moisés suluʼu nnojoluin nüjüteein na israeliitakana?
AKÜJALAA 32
10 Kasa mojusü
Müliashii na egipciokana nutuma Maleiwa sükajee 10 kasa mojusü sutuma nnojoluin nüjüteein Faraón na israeliitakana.
AKÜJALAA 33
Nalatüin tü palaakat
Nujutalüin Moisés tü palaa ishosükat sükajee nüpülain Maleiwa jee alatüshii na israeliitakana pasanainpünaa sünain tü palaakat sümaa josoin wopü napüleerua.
AKÜJALAA 35
Poloosü pütchi
¿Jarat tü piamasü pütchi alanaʼleekat sünain anain saʼakajee tü poloosükat?
AKÜJALAA 36
Wanee paaʼachon
¿Jamushii naʼwaajaka na israeliitakana wanee paaʼachon aainjuushi süka ooro?
AKÜJALAA 38
12 ajayajülii
Wanee sümüin nanüiki na polooshiikana noulia na piamashiikana. ¿Jara nanoujaka anüiki na israeliitakana?
AKÜJALAA 39
Kasiisü nunuʼuse Aarón
¿Jamusü süpüla kasiinjatüin otta kachoinjatüin nunuʼuse Aarón waneemüin kaʼi?
AKÜJALAA 40
Wüin suluʼujatü ipa
Ayuʼlushi Moisés wüin suluʼujee tü ipakat, akaisaʼa jashichin Jeʼwaa nutuma.
AKÜJALAA 41
Shiyaakua wanee wüi
¿Jamüsü nuluwataaka Maleiwa kojuyasü wüi outasiroʼu süpüla süchotüin na israeliitakana?
AKÜJALAA 42
Tü püliikü kanüikat
Nnojoishi niʼrüin Balaam chi aapieekai, shia eʼraka tü nüpüliiküsekat.
AKÜJALAA 44
Ounjutsü wayuu Rahab
¿Kasa saaʼinraka Rahab napüleerua na piamashiikana wayuu otta kasa süchuntaka namüin?
AKÜJALAA 45
Nalatüin tü süchikat
Nemetirapa nooʼui na sacerdotekana shiroku tü süchikat, nnojolujaasü tü wüinkat nutuma Jeʼwaa.
AKÜJALAA 46
Süsepü Jericó
¿Shiache kasitka tü jiiku ishosükat makaʼa nnojoluin sujuttüin shipia Rahab?
AKÜJALAA 47
Wanee kaʼruwarai
¿Eesüche süpüla mojuin sukuwaʼipa wainma wayuu sünainjee tü naaʼinrakat waneeshia wayuu?
AKÜJALAA 48
Na Gabaoniitakana
Ayatüsü nikeraajüin nünüiki Josué otta na israeliitakana, natüjaapa saaʼu naʼalainpalain naya na gabaoniitakana.
AKÜJALAA 49
Jimatüshi chi kaʼikai
Nnojotsü maajüin tü naaʼinrakat Jeʼwaa nüpüleerua Josué jee nnojolüirü naaʼinraajüin shia süchikuaʼa.
AKÜJALAA 50
Jieyuu meimmoluinsalii
¿Jamüsü shiaka kanülian Jael eerejeʼe niain Barac nekiipuʼuin na israeliitakana sünain atkawaa?
AKÜJALAA 52
Gedeón otta 300 wayuu
Nüneeküin Maleiwa jaraliinjanain na oʼunajanakana sünain tia atkawaakat sükajee tü kasa nuchuntakat namüin.
AKÜJALAA 53
Nünüiki Jefté
Sünainpünaasü sukuwaʼipa tü nüchonkat tü nünüiki nüpansaajakat nümüin Jeʼwaa.
AKÜJALAA 54
Wayuu katchinka maʼin
¿Jamüsü süpüla sütüjaain saaʼu Dalila tü katchinkalü atuma Sansón?
AKÜJALAA 55
Chi jintüikai Samuel
Nuluwataain Maleiwa chi jintüikai Samuel sunain aküjaa nümüin Elí outajachin Elí namaa na nüchonniikana.
AKÜJALAA 56
Aluwataashi Saúl
Aneekünüshi paala Saúl nutuma Maleiwa, akaisaʼa niyoutuin nia mapa. Anashaatasü tü watüjakat sünainjee nukuwaʼipa Saúl.
AKÜJALAA 57
Aneekünüshi David
¿Kasache niʼraka Maleiwa sünain nukuwaʼipa David, nnojotka niʼrüin Samuel?
AKÜJALAA 58
David otta Goliat
Nnojotsü shiain neʼe nüntüin amaa David tü junaayakat niʼipamüin Goliat, eʼitaashi naaʼin nünain Maleiwa.
AKÜJALAA 59
Aʼluwataashi David
Talatapuʼusü naaʼin Saúl paala nümaa David, shiasaʼa mapa nuʼutee aaʼinchi. ¿Jamushi nuʼuteeka naaʼin?
AKÜJALAA 60
Abigaíl otta David
Mayaainjeʼe malain chi suʼwayuusekai Abigaíl, nnojoishi outuin saaʼu saashajaain naaʼu, ayatapajaʼa outuin nia mapa.
AKÜJALAA 61
Aluwataashi David
Anashi David süpüla aluwatawaa saaʼu tü kasa naaʼinrakat otta tü kasa nnojotkat naaʼinreein.
AKÜJALAA 62
Müliasü nüpüshi David
Kaainjalashi David nuulia Maleiwa, müliaka nia sümaa nüpüshi suluʼujee tia kojuya juya.
AKÜJALAA 64
Aʼwaajülee Jeʼwaa
Mayaainjeʼe kekiin maʼin Salomón, ayatshia neʼe aainjinnüin kasa mojusü.
AKÜJALAA 65
Piamaipa aluwataaya
Nnojotsü naaʼinrüin na israeliitakana tü nuluwataakalü anain naya Jeʼwaa nutuma Jeroboán nuttapa sünain aluwatawaa.
AKÜJALAA 67
Akaaliinjünüshi Jehosafat
¿Jamüshiiche najütünaka na sacerdotekana süpüleerua surulaat sünain eeʼirajaa sümaa maʼapülain naya?
AKÜJALAA 68
Tepichi asoʼiraaka aaʼin
¿Eesüche süpüla susoʼiraain saaʼin wanee wayuu eekai outuin? Asoʼiraapuʼusü saaʼin wayuu sümaiwa.
AKÜJALAA 70
Jonás otta wanee jime
Makataleesia suluʼu nikii Jonás naaʼinrüinjatüin süpüshuaʼa tü nümakat Jeʼwaa.
AKÜJALAA 71
Paraiiseerü tü mmakat
Joʼuuchon tü palajatkat paraiisü, eekajasaʼa mapa paraiiseerü mmaka süpüshuaʼa.
AKÜJALAA 72
Akaaliinjünüshi Ezequías
Outushii soʼu wanee ai 185 miit surulaat asiriajeʼewalii nutuma wanee aapiee numaʼanajeejachi Maleiwa.
AKÜJALAA 73
Wanee aluwataai anashi
Jimaʼai Josías wanaa sümaa najaʼttirüin tü maleiwayaasükalüirua, yalayalapejeʼe naaʼin.
AKÜJALAA 74
Meimmoluinsai Jeremías
Jintüi maʼin Jeremías naashin süpüla nünüikimaajachin nia Maleiwa, akaisaʼa akaalinjünüinjachin nia nutuma Maleiwa naashin.
AKÜJALAA 76
Aʼajünüsü Jerusalén
¿Jamüsü nuuʼulaaka Maleiwa saʼajünüin Jerusalén natuma naʼünüü na israeliitakana?
AKÜJALAA 77
Nnojoishii nasapainkain
¿Nükalinjainche Maleiwa na apünüinshiikana jimaʼalii suulia jotüin naya sutuma tü sikikat?
AKÜJALAA 78
Pütchi ashajuushi
Nüküjain Daniel chi nünüikimaajachikai Maleiwa jamaluʼuluin tü pienchisü pütchi ashajünakat.
AKÜJALAA 79
Saʼakashi wasashi Daniel
Oʼutinnee aaʼinchi Daniel. ¿Kasaje naaʼinraka suulia nuʼutinneein aaʼin?
AKÜJALAA 80
Oʼunushii Babiloniajee
Piamasü pütchi ekeraajaka nutuma Ciro, chi aluwataaikai saaʼu Persia, wanee, shia wanaa sümaa nushutüin saaʼu Babilonia otta wanee, shia wanaa sümaa taashin na israeliitakana nutuma.
AKÜJALAA 81
Achuntushii nümüin Jeʼwaa
Shia noonooleeka amaa nünüiki Maleiwa na israeliitakana suulialeʼeya sünüiki wayuu. ¿Talatüsüche naaʼin Maleiwa namaa sünainjee tia?
AKÜJALAA 82
Mardoqueo otta Ester
Anasüchon maʼin Vasti tü nuʼwayuusekat Asuero, chi aluwataaikai, ayatapajaʼa keeʼirakain shia nutuma Asuero, süka nuʼwayuusein Ester shiʼirakaluʼu. ¿Kasanainjeesü tia?
AKÜJALAA 83
Süsepü Jerusalén
Chajaruutamaashii na akumajüshiikana sünain aʼyatawaa kaʼleu jee saʼwai.
SHIʼIPA 6
Jemeishi jee ouktushi Jesús
AKÜJALAA 84
Ipuoluinjatü María
Niinjatü pia chi aluwataainjachikai süpüla kaʼikat süpüshuaʼa münüsü María nutuma chi aapieekai.
AKÜJALAA 85
Jemeishi Jesús
¿Jamüshiche jemeika Jesuu suluʼu shiitain mürüt sümaa wayuuinjachin kojutüshi nia mapa?
AKÜJALAA 86
Wanee jolotsü chuwatüsü
¿Pütüjaa aaʼu jaralüin oʼuniraka na wayuu wüinpüjeʼewaliikana nünainmüin Jesuu? Poneerü maʼin paaʼin pütüjaapa saaʼu tia.
AKÜJALAA 87
Suluʼushi nipia Jeʼwaa
Ponusü maʼin naaʼin Jesuu na ekirajüliikana suluʼu tü aʼwaajüleekat Maleiwa süka nütüjain maʼin.
AKÜJALAA 88
Awoutisaajünüshi Jesús
Awoutisaajushi Juan wayuu eekai shiyaawajaain suulia saainjala, eekajasaʼa Jesuu wayuu maainjalasai ¿jamakaʼa nuwoutisaajünaka nutuma Juan?
AKÜJALAA 90
Ekirajüshi wanee jiet
¿Jamüsü süpüla nnojoluinjatüin miyaasüin süchikuaʼa tü jietkat sutuma tü wüin naapajatkat Jesuu sümüin wanaa sümaa tia?
AKÜJALAA 91
Ekirajüshi saaʼu uuchi
Ayatayülia jaloulin sümüin wayuu tü nikirajakalü anain Jesuu saaʼu tia uuchikat.
AKÜJALAA 92
Asoʼireʼetshi saaʼin ouktusü
‹Püchijiraa›, shiairia nünüiki Jesuu tia süpüla nusoʼireʼerüin saaʼin tü nüchonkot Jairo sükajee nüpülain Maleiwa.
AKÜJALAA 93
Nikirüin wainma wayuu
¿Kasa watüjaka sünainjee nuuntüin shiküin wainma wayuu nutuma Jesuu?
AKÜJALAA 95
Nikirajia Jesús
Shia nikirajapuʼuka aka Jesuu tü kasa eʼnnaajünakat maʼin maʼaka nüchiki chi wayuu samariajeʼewaikai.
AKÜJALAA 97
Aluwataainjachi Jesús
Wainma wayuu talataka nüpanapa Jesuu, eepajaʼa na nnojoliikana talatüin nümaa.
AKÜJALAA 98
Saaʼu tü uuchikat olivos
Nüküjain Jesuu namüin neʼe pienchishii noʼutku na nikirajüinkana tü alatajatkat maaʼutpünaa.
AKÜJALAA 99
Ekawaa nutuma Jesús
¿Jamüsü nuchuntaka Jesuu namüin na nikirajüinkana naainjawalüinjatüin juyawai tia outkajawaakat?
AKÜJALAA 101
Oʼutuna aaʼinchi Jesús
Aküjashi Jesuu süchiki wanee paraiisü wanaa sümaa kachetüin nia sünain wanee wunuʼu.
AKÜJALAA 102
Asoʼiraasü naaʼin Jesús
Ainkuusü maʼin naaʼin na surulaatkana neʼrapa nünsülüin wanee aapiee shirouse tü woowirakat.
AKÜJALAA 104
Oʼunushi sirumatuʼumüin
Nuluwataain na nikirajüinkana süpülapünaa nuʼunuin iipünaamüin.
AKÜJALAA 105
Aʼatapajüshii Jerusalén
¿Kasapalajatü niʼitaaka Jesuu chi naaʼinkai Maleiwa naaʼu na nikirajüinkana soʼu tü miʼiraakat Pentecostés?
AKÜJALAA 106
Ojutannüsü tü kaatsetkat
Apüreesajinnüshii na aluwataaushikana natuma na judíokana shiiʼiree nooʼulaain suulia aküjaa pütchi.
AKÜJALAA 108
Oʼunushi Damascomüin
Eeʼiratüsü nukuwaʼipa Saulo soʼujee moʼupaʼain nia sutuma chuwatuuijaain mmaka nüpüleerua jee naapüin wanee pütchi iipünaajee.
AKÜJALAA 109
Pedro nipialuʼu Cornelio
¿Eesüche wanee eʼirukuu eekai anaʼleein nümüin Maleiwa suulia wanee?
AKÜJALAA 111
Atunkushi wanee jintüi
Atunkushi Eutico sünain aapajaa nünüiki Pablo. Asoʼiraasü naaʼin nutuma Pablo süchikijee nujutuuin iipünaajee.
AKÜJALAA 112
Nnojoishii ouktuin
Nütütüleʼerüin Pablo naaʼin na wayuukana wanaa sümaa shiyoʼujaain naaʼin sükajee nünüiki Maleiwa.
AKÜJALAA 113
Chashi Pablo Roma
¿Jamüshi süpüla ayatüin niʼyataain Pablo sünain aküjaa pütchi mayaainjeʼe püreesain nia?
SHIʼIPA 8
Ekeraajüsü tü sümakat tü Wiwüliakat
AKÜJALAA 114
Ajaʼttajatü kasa mojusü
¿Jamüshii nuluwataajeenaka Maleiwa na aapieekana otta Jesuu sünain atkawaa soʼu Armagedón?
AKÜJALAA 116
Tü paainjüinjatkat
¿Kettaajeetche watüjaale neʼe saaʼu waneirua kasa nüchiki Jeʼwaa otta Jesukürisüto? ¿Eetaapa waneirua kasa sooʼomüin wekirajaainjatka anain?
Tü asakinnajatkat sünain Aküjalaa suluʼujeejatü tü Wiwüliakat
Tü asakinnajatkat sünain Aküjalaa suluʼujeejatü tü Wiwüliakat.
