¡PIIRAKAA sümüin tü Mmakat! ¡Anasü maʼin! Piirakaa sümüin tü alamakat, tü mürütkalüirua, tü wunuʼuliakalüirua otta tü süsiikat wunuʼu. ¿Jalashi piʼrüin chi elepantekai otta na wasashikana?

¿Jamakuwaʼipat tü mmakat? Wekirajaa sünain tü naainjakat Maleiwa süpüla nukumajüin shia wapüla.

Nukumajüin palajana tü alamakat. Nukumajüin wunuʼu joʼuuchein otta miyoʼuyuu süpüla weküinjanain süchon otta süpüla anainjatüin maʼin tü Mmakat.

Mapa nukumajüin na jimekana süpüla shirokuinjanain naya wüin otta na wüchiikana süpüla nawatüinjanain. Nukumajüin erü, muusa, ama, mürüt joʼuuchein otta miyoʼuyuu. ¿Eesü mürüt süʼütpaʼa pipia? ¡Anashi maʼin Maleiwa süka nukumajüin shia wamüin!

Süchikijee anaka maʼin nutuma Maleiwa wanee shiʼipa tü Mmakat. Edén sünülia. Keeʼireesü naaʼin Maleiwa müinjatüin süpüshuaʼa tü Mmakat.

Piirakaa sümüin tü ayaakuaakat süchikuaʼa. ¿Pütüjaa aaʼu tü choʼujaakat naashin Maleiwa yala? Wekirajaa sünain.