SHIʼIPA 5
Püreesashii na israeliitakana otta akumajünüsü süsepü Jerusalén
Müliashii na israeliitakana wanaa sümaa püreesain naya Babilonia. Ojutunushi saʼaka siki Sadrac, Mesac otta Abednego, nükaaliinjaka naya Maleiwa. Süchikijee nashutuin saaʼu Babilonia na medokana otta na persakana ojutunushi Daniel saʼaka wasashi. Akaisaʼa Maleiwa nüsürülüin naanükü na wasashikana.
Mapa nüjütaka Ciro na israeliitakana. Antüshii naya Jerusalénmüin 70 juya süchikijee püreesain naya Babilonia. Wanee kasa nakumajaka palajana shia tü aʼwaajüleekat. Mapa na naʼünüükana nooʼuleʼerüin naya suulia akumajaa. Kettaaka natuma tü aʼwaajüleekat 22 juya süchikijee naleʼejüin Jerusalénmüin.
Oʼunushi Esdras Jerusalénmüin 47 juya süchikijee sukumajünüin tü aʼwaajüleekat süpüla anainjatüin shia nutuma. Wekirajaajeerü anain tia mapeena. 13 juya süchikijee nuʼunuin Esdras, nükaaliinjüin Nehemías na israeliitakana süpüla nakumajüin süsepü Jerusalén. Alatüsü 152 juya sünain tü JARAIKAT Shiʼipa.
SÜNAIN SHI'IPAKAT TÜÜ
AKÜJALAA 77
Nnojoishii nasapainkain
¿Nükalinjainche Maleiwa na apünüinshiikana jimaʼalii suulia jotüin naya sutuma tü sikikat?
AKÜJALAA 78
Pütchi ashajuushi
Nüküjain Daniel chi nünüikimaajachikai Maleiwa jamaluʼuluin tü pienchisü pütchi ashajünakat.
AKÜJALAA 79
Saʼakashi wasashi Daniel
Oʼutinnee aaʼinchi Daniel. ¿Kasaje naaʼinraka suulia nuʼutinneein aaʼin?
AKÜJALAA 80
Oʼunushii Babiloniajee
Piamasü pütchi ekeraajaka nutuma Ciro, chi aluwataaikai saaʼu Persia, wanee, shia wanaa sümaa nushutüin saaʼu Babilonia otta wanee, shia wanaa sümaa taashin na israeliitakana nutuma.
AKÜJALAA 81
Achuntushii nümüin Jeʼwaa
Shia noonooleeka amaa nünüiki Maleiwa na israeliitakana suulialeʼeya sünüiki wayuu. ¿Talatüsüche naaʼin Maleiwa namaa sünainjee tia?
AKÜJALAA 82
Mardoqueo otta Ester
Anasüchon maʼin Vasti tü nuʼwayuusekat Asuero, chi aluwataaikai, ayatapajaʼa keeʼirakain shia nutuma Asuero, süka nuʼwayuusein Ester shiʼirakaluʼu. ¿Kasanainjeesü tia?
AKÜJALAA 83
Süsepü Jerusalén
Chajaruutamaashii na akumajüshiikana sünain aʼyatawaa kaʼleu jee saʼwai.
