SHIʼIPA 7
Osoʼiraasü naaʼin Jesús otta püreesashi Pablo
Osoʼiraasü naaʼin Jesús 3 kaʼi süchikijee ouktuin nia. Niiʼiyataaka jaʼraitua namüin na nikirajüinkana. Süchikijee tia, ayatüshi eeʼiyataain soʼu 40 kaʼi. Mapa nuʼunaka sirumatuʼumüin noʼupala noutku na nikirajüinkana. 10 kaʼi süchikijee tia, nuluwataain Jesús chi naaʼinkai Maleiwa naaʼu na nikirajüin aʼatapajakana Jerusalén.
Mapa, püreesaka na aluwataaushiikana natuma na nüʼünüükana Maleiwa. Najütünaka achiki nutuma wanee aapiee. Süchikijee tia, nuʼutunaka aaʼin Esteban süka ipa. Wekirajaajeerü anain nüneeküin Jesús wanee aainjakai tia süpüla niʼyataain nümüin. Chia nia Pablo. 3 juya shiatapünaamüin süchikijee ouktuin Jesús, aluwataanüshi Pedro süpüla nüküjüin pütchi nümüin Cornelio otta nüpüshi sümaa nnojoluin judíoin naya.
13 juya süchikijee tia, oʼunushi Pablo sünain aküjaa pütchi. Piantuapa nukuwa oʼunushi Timoteo nümaa. Wainma kasa anasü alataka nümüin Pablo otta na nümaajanakana wanaa sümaa naʼyataain nümüin Maleiwa. Mapa püreesaka Pablo Roma. Sülatapa 2 juya nüjütünaka achiki. Akaisaʼa nia püreesashi nüchikuaʼa jee nuʼutunaka aaʼin. Alatüsü 32 juya sünain tü AKARATSHIKAT Shiʼipa.
SÜNAIN SHI'IPAKAT TÜÜ
AKÜJALAA 102
Asoʼiraasü naaʼin Jesús
Ainkuusü maʼin naaʼin na surulaatkana neʼrapa nünsülüin wanee aapiee shirouse tü woowirakat.
AKÜJALAA 104
Oʼunushi sirumatuʼumüin
Nuluwataain na nikirajüinkana süpülapünaa nuʼunuin iipünaamüin.
AKÜJALAA 105
Aʼatapajüshii Jerusalén
¿Kasapalajatü niʼitaaka Jesuu chi naaʼinkai Maleiwa naaʼu na nikirajüinkana soʼu tü miʼiraakat Pentecostés?
AKÜJALAA 106
Ojutannüsü tü kaatsetkat
Apüreesajinnüshii na aluwataaushikana natuma na judíokana shiiʼiree nooʼulaain suulia aküjaa pütchi.
AKÜJALAA 108
Oʼunushi Damascomüin
Eeʼiratüsü nukuwaʼipa Saulo soʼujee moʼupaʼain nia sutuma chuwatuuijaain mmaka nüpüleerua jee naapüin wanee pütchi iipünaajee.
AKÜJALAA 109
Pedro nipialuʼu Cornelio
¿Eesüche wanee eʼirukuu eekai anaʼleein nümüin Maleiwa suulia wanee?
AKÜJALAA 111
Atunkushi wanee jintüi
Atunkushi Eutico sünain aapajaa nünüiki Pablo. Asoʼiraasü naaʼin nutuma Pablo süchikijee nujutuuin iipünaajee.
AKÜJALAA 112
Nnojoishii ouktuin
Nütütüleʼerüin Pablo naaʼin na wayuukana wanaa sümaa shiyoʼujaain naaʼin sükajee nünüiki Maleiwa.
AKÜJALAA 113
Chashi Pablo Roma
¿Jamüshi süpüla ayatüin niʼyataain Pablo sünain aküjaa pütchi mayaainjeʼe püreesain nia?
