Suʼttia tü shiʼipakat 3
Saashin tü Wiwüliakat, palitchon na wayuu aʼyataakana nümüin Jeʼwaa süchikijee tü juya miyoʼushaatakat. Maʼaka naaʼin Abraham, chi «naʼaleewain Jeʼwaa» münakai. Wekirajaajeerü anain jamüin «naʼaleewain Jeʼwaa» nümünaka. Kachonle pia, pükaaliinja naya süpüla natüjaain saaʼu jülüjain naya naaʼin Maleiwa waneʼewai nakua otta nükaaliinjeein naya. Eesü süpüla wachuntuin kaaliinwaa nümüin Jeʼwaa maʼaka naainjain shia Abraham, Lot nümaa Jacob otta wanoujeerü anain nikeraajeerüin Jeʼwaa süpüshuaʼa tü pütchi nüpansaajakat wamüin.
SÜNAIN SHI'IPAKAT TÜÜ
EKIRAJAAYA 7
Piichi miyoʼu chajatka Babel
Nakumajeein na wayuukana wanee pueulo miyoʼushaata otta wanee aliikajaalee chaa sutuʼupaʼamüin tü sirumakat. ¿Jamüsü nuʼwanajeʼeraka Maleiwa nanüikipala na wayuukana?
EKIRAJAAYA 8
Abraham sümaa Sara jaa müshii nümüin Jeʼwaa
¿Jamüsü nüpütaka Abraham sümaa Sara nepia süpüla kepiayaainjanain naya loona suluʼu tü mmakat Canaán?
EKIRAJAAYA 9
Kachon müshiijaʼa naya
¿Kasa naaʼinrajatka Maleiwa süpüla nikeraajüin tü nümakat nümüin Abraham? ¿Jarai ekeraajüinjachika anain pütchikat tia? ¿Isaac niataapa Ismael?
EKIRAJAAYA 10
Jülüja paaʼin tü alatakat sümüin nuʼwayuuse Lot
Ojutuusü nutuma Jeʼwaa siki otta azufre saaʼu tü mmakat Sodoma otta Gomorra. ¿Jamüsü sajaʼttinnaka tia pueulokalüirua? ¿Jamüsü jülüjainjatka waaʼin tü alatakat sümüin nuʼwayuuse Lot?
EKIRAJAAYA 11
Ooʼulaküna aaʼinrü nunoula Abraham
«Anakajaʼa jooluʼu pümaale chi püchon waneeshikai chamüin suluʼumüin tü mmakat Moria. Puʼuteechi aaʼin nia chamüin», müshi Jeʼwaa nümüin Abraham. ¿Kaseetche naaʼinraka Abraham?
EKIRAJAAYA 12
Aapünüsü apaalaa nümüin Jacob
Isaac sümaa Rebeca senkeyuu nachonnii, Esaú nünülia wanee otta chi wanee, Jacob nünülia. Süka niain Esaú chi eʼirumaakai, aapünüinjatü nümüin sujut tü eʼirumaakat. ¿Jamüsü nuʼwanajaaka sujut tü eʼirumaakat saaʼu wanee kisaawa?
EKIRAJAAYA 13
Anajiraashi Jacob nümaa Esaú
¿Kasa naaʼinraka Jacob süpüla saapünüinjatüin nümüin wanee anaa nümüin nutuma wanee aapiee? ¿Kasa naaʼinraka süpüla anajiraainjachin nia nümaa Esaú?