Tatüjaka sünainjee tü Bibliakat
Karaloʼutakat tüü, süküjeerü pümüin tü alatakat suʼttaiwaʼaya sukumajünüin tü kasakalüirua, jemelin Jesús, nüküjain pütchi otta süchiki tü Aluwataaya antajateetkat.
Karaloʼuta naluwataala na Laülaashii Jülüjakana Aaʼin na Aküjaliikana pütchi sainküin mma
¿Jamüinjatü sukuwaʼipa karaloʼutakat tüü watuma?
EKIRAJAAYA 1
Nukumajala Maleiwa tü sirumatuʼukat otta tü Mmakat
Saashin tü Bibliakat, nukumajala Maleiwa tü sirumatuʼukat otta tü Mmakat. ¿Jamüshi nukumajaka Maleiwa wanee aapiee süpülapünaa nukumajüin wayuu otta tü kasakalüirua?
EKIRAJAAYA 2
Nukumajala Maleiwa chi toolokoi sümaa tü jietkat
Nukumajala Maleiwa chi palajachikai toolo otta tü palajatkat jiet sümaa niʼitaain naya suluʼu tü apainkat Edén. Keeʼireesü naaʼin kachonniinjanain naya otta paʼaraiisüinjatüin natuma tü Mmakat.
EKIRAJAAYA 3
Eʼrüshi wayumüin Adán sümaa Eva
¿Jamüsü nnojoluinjatka shikünüin süchon wanee wunuʼu suluʼujatka tü apainkat Edén? ¿Jamüsü shikaka Eva süchon tü wunuʼukat?
EKIRAJAAYA 4
Uwomuyuushi sutuma jashichin nia
Nücheküin Maleiwa tü nüsülajakat Abel otta niyoutuin tü nüsülajakat Caín. Nütüjaapa saaʼu tia Caín, jashichishi maʼin otta naainjaka wanee kasa mojusü.
EKIRAJAAYA 5
Nukumajüin Noé wanee anuwa
Süka kaʼwayuusein jieyuu na aapiee eʼrüliikana wayumüin, kachonshii naya, miyoʼuyuu maʼin sümaa mojulaain maʼin naya. Joutsü maʼin tü mojulawaakat. Naatapajaʼa nukuwaʼipa Noé, aishi Maleiwa nüpüla otta oonooshi nia sümaa nünüiki.
EKIRAJAAYA 6
Mekiisatshii na antakana suluʼumüin wanee mma jeketü
Aʼitüsü tü juyakat soʼu 40 kaʼi otta 40 ai. Alatüsü suulia wanee juya yalajachin Noé sümaa nüpüshi suluʼu tü anuwakat. Nümaka Jehová namüin nojuʼitajanain suluʼujee tü anuwakat.
EKIRAJAAYA 7
Miichi miyoʼu chajatka Babel
Nakumajeein na wayuukana wanee pueulo miyoʼushaata otta wanee aliikajaalee chaa sutuʼupaʼamüin tü sirumakat. ¿Jamüsü nuʼwanajeʼeraka Maleiwa nanüikipala na wayuukana?
EKIRAJAAYA 8
Abrahán sümaa Sara jaa müshii nümüin Jehová
¿Jamüsü nüpütaka Abrahán sümaa Sara nepia süpüla kepiayaainjanain naya loona suluʼu tü mmakat Canaán?
EKIRAJAAYA 9
Kachon müshiijaʼa naya
¿Kasa naaʼinrajatka Maleiwa süpüla nikeraajüin tü nümakat nümüin Abrahán? ¿Jarai ekeraajüinjachika anain pütchikat tia? ¿Isaac niataapa Ismael?
EKIRAJAAYA 10
Soto paaʼin tü alatakat sümüin nuʼwayuuse Lot
Ojutuusü nutuma Jehová siki otta azufre saaʼu tü mmakat Sodoma otta Gomorra. ¿Jamüsü sajaʼttinnaka tia pueulokalüirua? ¿Jamüsü jülüjainjatka waaʼin tü alatakat sümüin nuʼwayuuse Lot?
EKIRAJAAYA 11
Ooʼulaküna aaʼinrü nunoula Abrahán
«Anakajaʼa jooluʼu pümaale chi püchon waneeshikai chamüin suluʼumüin tü mmakat Moria. Puʼuteechi aaʼin nia chamüin», müshi Jehová nümüin Abrahán. ¿Kaseetche naaʼinraka Abrahán?
EKIRAJAAYA 12
Aapünüsü apaalaa nümüin Jacob
Isaac sümaa Rebeca senkeyuu nachonnii, Esaú nünülia wanee otta chi wanee, Jacob nünülia. Süka niain Esaú chi eʼirumaakai, aapünüinjatü nümüin sujut tü eʼirumaakat. ¿Jamüsü nuʼwanajaaka sujut tü eʼirumaakat saaʼu wanee kisaawa?
EKIRAJAAYA 13
Anajiraashi Jacob nümaa Esaú
¿Kasa naaʼinraka Jacob süpüla saapünüinjatüin nümüin wanee anaa nümüin nutuma wanee aapiee? ¿Kasa naaʼinraka süpüla anajiraainjachin nia nümaa Esaú?
EKIRAJAAYA 14
Nüchiki wanee achepchiee jaa makai
Mayaainjeʼe naaʼinrüin José tü anasükat, ayatüshia eʼrüin nümüliala. ¿Jamüsü sülataka tia?
EKIRAJAAYA 15
Sotushi José naaʼin Jehová
Mayaainjeʼe wattajachin José suulia nüpüshi, ayatüshi eein Maleiwa nümaa.
EKIRAJAAYA 16
Nüchiki wanee wayuu Job münüshi
Mayaainjeʼe niʼrüin maʼin nümüliala Job, ayatüshi oonooin nia waneepia nümaa Jehová.
EKIRAJAAYA 17
Nüneeküin Moisés niʼyataain nümüin Jehová
Katüsü noʼu Moisés saaʼujee tü saaʼinrakat tü niikat nüpüleerua.
EKIRAJAAYA 19
Tü apünüinsükat kasa mojusü nüntiraka palajana
Eʼrüshii namüliala na wayuukana chajanakana Egipto süka yaletüin maʼin naaʼin Faraón otta nnojoluin naaʼinrüin wanee kasa.
EKIRAJAAYA 20
Aipiruasü kasa mojusü sooʼomüin
¿Jamüsü naatajatkat tia kasa mojusükat suulia tü apünüinkat kasa anasü eejatka palajana?
EKIRAJAAYA 21
Tü polookat kasa mojusü
Süka keemashaatain tü kasa mojusü antakat Egipto, nüjütüin Faraón na israelitakana mayaapejeʼe wayuu yaletaa maʼin aaʼinchi nia.
EKIRAJAAYA 22
Ojutajaasü tü palaakat
Mayaainjeʼe nnojoluin outuin faraón sutuma tü poloosükat kasa mojusü, ¿katüsüche noʼu wanaa sümaa sujutajaain tü palaakat?
EKIRAJAAYA 23
Naapüin nanüiki nümüin Jehová
Naapüin nanüiki na israelitakana nümüin Maleiwa wanaa sümaa chajanain naya süʼütpaʼa tü uuchikat Sinaí.
EKIRAJAAYA 24
Nnojotsü nekeraajüin nanüiki
Wanaa sümaa saapünüin nümüin Moisés tü poloosükat pütchi, aainjashii kasa mojusü na israelitakana.
EKIRAJAAYA 25
Wanee miichi aʼwaajülee
Suluʼu tü miichi aʼwaajüleekat Maleiwa eejatü tü jurasükeetkat.
EKIRAJAAYA 26
Na polookana piamamüin ajayajülii
Naata nukuwaʼipa Josué otta Caleb noulia 10 ajayajülii oʼunakana suluʼumüin tü mmakat Canaán.
EKIRAJAAYA 27
Eʼrüijaashii naya wayumüin nümüin Jehová
Coré, Datán, Abiram otta na 250 wayuu namaajanakana nayaawatüin aaʼu mojuin maʼin tü naaʼinrakat nümüin Jehová.
EKIRAJAAYA 28
Kanüisü nüpüliise Balaam
Nnojoishi niʼrüin Balaam chi aapieekai, shia eʼraka tü püliikükat.
EKIRAJAAYA 29
Aneekünüshi Josué nutuma Jehová
Tü nuluwataakalü anain Jehová süpüla naaʼinrüin Josué, eesü anain wakuwaʼipa maaʼulu sutuma.
EKIRAJAAYA 30
Suunjuluin Rahab na ajayajüliikana
Ojuttusü süsepü Jericó. Nnojotsü ojuttuin shipia Rahab mayaainjeʼe sukumajuushin saaʼu süsepü Jericó.
EKIRAJAAYA 31
Josué otta na gabaonitakana
«Püshaʼwaleʼera chi Kaʼikai» müshi Josué nümüin Jehová. ¿Naapüinche Maleiwa nünüiki Josué?
EKIRAJAAYA 32
Jekechi shikiipüʼü Israel otta piamasü jieyuu yalayala aaʼinrü
Outapa Josué, oʼttushii naya sünain aʼwaajaa tü maleiwayaasükalüirua. Eejatü kasa mojusü sutuma tia. Akaalinjünüshii naya nutuma Barac chi nekiipüʼükai, nünüikimaajatü Maleiwa Débora otta Jael süka tü wunuʼukat.
EKIRAJAAYA 33
Rut sümaa Noemí
Aleʼejüshii Israelmüin piamasü wayuu outaka aʼwayuuse. Wanee shia Rut, oʼunusü sünain aʼyatawaa suluʼu niyüüjase wanee wayuu, shiʼraajaka Boaz chaʼayaa.
EKIRAJAAYA 34
Nükanajüin Gedeón na madianitakana
Nachuntuin na israelitakana nümüin Jehová süpüla nükaalinjain naya noulia na madianiitakana süka müliain maʼin natuma. ¿Kasa naaʼinraka Gedeón otta na 300 surulaat nümaajanakana süpüla nayamülüin na 135.000 surulaat madianiitakana?
EKIRAJAAYA 35
Achuntusü Ana nümüin Jehová kachoinjatüin shia
Niʼikajaain Elqaná Ana, Peniná otta na süchonniikana süpüla naʼwaajüin Maleiwa suluʼu tü aʼwaajüleekat chajatkat Siló. Achuntusü ana nümüin Jehová süpüla kachoinjatüin shia. Waneemüin juya süchikijee tia, jemeishi Samuel.
EKIRAJAAYA 36
Nikeraajüin Jefté nünüiki
¿Jamüsü nünüiki Jefté nümüin Jehová? ¿Jamüsü sünüiki tü nüchonkot Jefté sütüjaapa saaʼu tü nümakat Jefté nümüin Jehová?
EKIRAJAAYA 37
Aashajaashi Jehová nümaa Samuel
Na piamashiikana nüchonnii Elí. Hofní otta Finehás. Sacerdote naya suluʼu tü aʼwaajüleekat Maleiwa. Nnojoishii naya oonooin sümaa tü nuluwataakalü anain Jehová. Naata nukuwaʼipa Samuel, nuunejüin nia Jehová soʼu wanee ai.
EKIRAJAAYA 38
Katchinshi Sansón nutuma Jehová
Katchinshi maʼin Sansón nutuma Jehová süpüla nütkaainjachin namaa na filisteokana. Wanaa sümaa nüküjain sümüin Dalila tü katchinkalü atuma nia, ataʼünüshi nia natuma na filisteokana.
EKIRAJAAYA 39
Chi aluwataakai palajana saaʼu Israel
Eejana nekiipüʼü na Israelitakana nutuma Jehová süpüla noʼunirüin nakuwaʼipa, akanasaʼa na israelitakana achuntushii wanee aluwataai. Niʼyotuin Samuel seita saaʼu nikii Saúl süpüla niainjachin Chi aluwataakai palajana saaʼu Israel; niyoutaka nia Jehová mapa, ¿jamüshi niyoutaka nia?
EKIRAJAAYA 40
Nüchiki David nümaa Goliat
Aneekünüshi David nutuma Jehová süpüla nuwataain saaʼu Israel jee saaʼujee tü naaʼinrakat David atüjaana aaʼu niain chi nüneekakai Maleiwa.
EKIRAJAAYA 41
Nüchiki David nümaa Saúl
Aʼürülaanüshi wanee wayuu anamia nutuma wanee wayuu mojulaashi. ¿Müsüche nukuwaʼipa chi wayuu anamiakai nümüin chi wayuu mojulaashikai
EKIRAJAAYA 42
Waneepiashi Jonatán sümaa yalayalain naaʼin
Chi nüchonkai chi aluwataaikai, aleewashi maʼin nümaa David.
EKIRAJAAYA 44
Akumajünüsü tü aʼwaajüleekat Jehová
Naapüin Maleiwa nünüiki Salomón otta wainma kasa anasü naapaka nümüin.
EKIRAJAAYA 45
Piamasü shiʼipapaʼa tü aluwataayakat
Watta naalii na israelita ooʼulaakana suulia naʼwaajüin Jehová.
EKIRAJAAYA 46
Tü alatakat saaʼu tü uuchikat Carmelo
¿Jarai chi Maleiwa shiimainshikai? ¿Jehová niataapa Baal?
EKIRAJAAYA 48
Katüsü noʼu nüchikuaʼa süchon wanee wayuu
Piamasü kasa pülasü shiʼraka tü wayuu outa aʼwayuusetkat
EKIRAJAAYA 49
Kasalajanasü saainjala Jezabel nutuma Jehová
Sukumajirüin sukuwaʼipa Jezabel süpüla suʼutuinjachin naaʼin Nabot shiiʼiree sümaʼaneein niyüüjase. Akaisaʼa Jehová niʼrüin tü kasa mojusü saaʼinrakat.
EKIRAJAAYA 50
Aaʼinmajünüshi Jehosafat nutuma Jehová
Achuntushi chi aluwataakai Jehosafat nümüin Jehová süka nashutuin naaʼu na naʼünüükana
EKIRAJAAYA 51
Nüchiki wanee surulaat jee müsia wanee jintut
Aashajaasü wanee jintut sümaa tü sülaamainkat süchiki pülashin maʼin Jehová. Eesü kasa anasü alataka sutuma tü saaʼinrakat.
EKIRAJAAYA 52
Na nusurulaatsekana Jehová
¿Jamüsü süpüla niyaawatüin saaʼu chi aʼyataaikai niʼipajee Eliseo wattain naalii na surulaat nümaajanakana noulia na surulaat naʼünüükana?
EKIRAJAAYA 53
Yalayala aaʼinchi Jehoiadá
Wanee laülaashi napüleerua na sacerdotekana eekai peʼipaain sümaa wanee aluwataasü mojulaaka maʼin.
EKIRAJAAYA 54
Nnojoishi aashichijaain Jehová nümüin Jonás
¿Kasanainjeeshi shimirajaaka wanee jime miyoʼushaata Jonás chi nünüikimaajachikai Maleiwa? ¿Jamakuwaʼipai süpüla nuʼttaainjachin Jonás? ¿Kasa ekirajünaka anain Jonás nutuma Jehová?
EKIRAJAAYA 55
Aaʼinmajünüshi Ezequías nutuma wanee aapiee
Naashin na ashuteekana saaʼu Judá, nnojoleena nükaalinjain Jehová na wayuukana, nnojotpajaʼa alatüin tü namakat.
EKIRAJAAYA 56
Kojutusü nümüin Josías tü Pütchi nüshajirakat Jehová
Oʼttushi Josías sünain aluwatawaa saaʼu Judá wanaa sümaa 8 nuuyase otta nükaalinjain na wayuukana süpüla naʼwaajüinjachin Jehová nachikuaʼa.
EKIRAJAAYA 57
Aluwataanüshi Jeremías nutuma Jehová sünain aküjaa pütchi
Jashichishii maʼin na laülaashiikana nümüin Jeremías saalinjee tü nüküjakat achikit.
EKIRAJAAYA 58
Ajaʼttinnüsü Jerusalén
Niyüülajüin Jehová na wayuu chajanakana Judá süka naʼwaajüin tü maleiwayaasükalüirua.
EKIRAJAAYA 59
Pienchishii jimaʼalii oonooka sümaa nünüiki Jehová
Na pienchishii jimaʼalii judíokana, ayatüshii oonooin naya waneepia nümaa Jehová mayaainjeʼe chajanain nepialuʼu chi aluwataaikai saaʼu Babilonia.
EKIRAJAAYA 60
Wanee aluwataaya süpülajatka kaʼikat süpüshuaʼa
Nüküjain Daniel kasapülajatüin tü nüʼlapüinkat Nabucodonosor.
EKIRAJAAYA 61
Nnojoishii nasapainkain sünain aʼwaajaa wanee ayaakuaa
Nayouktüin Sadrac, Mesac otta Abednego naʼwaajüin tü ayaakuaa akumajuushikat süka ooro nutuma chi aluwataaikai Nabucodonosor.
EKIRAJAAYA 62
Wanee aluwataaya müsü aka saaʼin nuuʼulia wanee wunuʼu
Atüjaana aaʼulu tü alatajatkat nümüin Nabucodonosor saaʼujee tü nüʼlapüinkat.
EKIRAJAAYA 63
Wanee pütchiirua ashajünaka
¿Kasa aainjünaka wanaa sümaa süshajünüin tü pütchikalüirua sünain süsepü tü miichikat? ¿Jamaluʼulu shia?
EKIRAJAAYA 64
Ojutunushi Daniel saʼaka león
Puʼuraaja waneepia nümüin Jehová maʼaka naaʼinrüin shia Daniel
EKIRAJAAYA 65
Nuʼtteʼerüin Jehová nupueulose sükajee Ester
Mooʼousü otta Judío Ester, mayaainjeʼe müin sukuwaʼipa aluwataasü shia mapa.
EKIRAJAAYA 66
Ekirajüshi Esdras sünain tü Nünüikikat Maleiwa
Wanaa sümaa naapüin na israelitakana nünüiki Esdras, naapüin nanüiki nümüin Maleiwa.
EKIRAJAAYA 67
Süsepü Jerusalén
Nütüjaa aaʼulu Nehemías nashuteein na nüʼünüükana naaʼu. ¿Jamüshi nnojoika niimolojooin?
EKIRAJAAYA 68
Kachonsü Elisabet
¿Jamüsü isaka nüchiki Zacarías naashajaain waneʼereeya jemeitpa chi joʼuukai?
EKIRAJAAYA 69
Eeʼiyataashi chi aapieekai Gabriel sümüin María
Saapüin María wanee pütchi aʼwanajaaka atuma sukuwaʼipa.
EKIRAJAAYA 70
Naküjain na aapieekana jemelin Jesús
Oʼunamaatüshi na arüleejüliikana Belénmüin süpüla neʼrüin Jesús
EKIRAJAAYA 71
Aaʼinmajünüshi Jesús nutuma Jehová
Oʼutunee aaʼinchi Jesús nutuma wanee aluwataai mojulaakai maʼin.
EKIRAJAAYA 72
Nüchiki Jesús jintüliiwaʼaya nia
¿Jamüsü ponoko maʼin naaʼin na laülaashii ekirajakana suluʼu tü aʼwaajüleekat nütüjain maʼin Jesús?
EKIRAJAAYA 73
Aküjashi Juan süchiki nüntajachin Jesús
Juan nünüikimaajachi Maleiwa, nüküjainjeseʼe nüntajachin chi Mesíaskai. ¿Kasa saaʼinraka tü wayuukalüirua saapapa tü nümakat Juan?
EKIRAJAAYA 74
Nüchiki Jesús chi Mesíaskai
Chi wayuu aneekünakai nutuma Maleiwa» ¿jamüshi nümaka Jesús nutuma Juan?
EKIRAJAAYA 75
Ooʼulakünüsü naaʼin Jesús nutuma chi Yolujaakai
Ooʼulakünüsü naaʼin Jesús apünüintua nutuma chi Yolujaakai. ¿Jarat tü apünüinsükat kasa ooʼulakünaka aka naaʼin? ¿Jamüsü nünüiki Jesús niʼipajee Satanás?
EKIRAJAAYA 76
Nuʼwulejüin Jesús tü miichi aʼwaajüleekat Maleiwa
¿Jamüshi niipiijaka Jesús tü mürütkalüirua suluʼujee tü aʼwaajüleekat otta nujunnajaka nemeesain na aʼwanajaaliikana nneerü?
EKIRAJAAYA 77
Yootushi Jesús sümaa wanee wayuu
¿Jamüsü ponoko saaʼin wanee jiet samariajeʼewat naashajaain Jesús sümaa? Nüküjain Jesús sümüin tü jiet samariajeʼewatkat wanee kasa nnojoyütkalia nüküjain sümüin wanee wayuu. ¿Kasa nüküjaka sümüin?
EKIRAJAAYA 78
Aküjashi pütchi Jesús süchiki Nuluwataainjachin Maleiwa
Nuunejaain Jesús waneinnua nikirajüin süpüla nalojuliinjanain jime. Süchikijee tia, niʼiküin Jesús 70 nikirajüin süpüla naküjainjanain tü pütchi anasükat.
EKIRAJAAYA 79
Wainma kasa pülasü naainjaka Jesús
Eepünaale nülatüin Jesús, achuntushii na ayuuishiikana kaalinwaa nümüin otta niiyajüin naya. Jee müsia, nüsoʼireʼerüin saaʼin wanee jintut.
EKIRAJAAYA 80
Nüneeküin Jesús na polookana piamamüin aluwataaushii
¿Kasa nüneekaka apüla naya Jesús? ¿Sotusü paaʼin kasaichin nanülia?
EKIRAJAAYA 81
Ekirajüshi Jesús saaʼu wanee namüna
Anasü maʼin nikirajia Jesús namüin watta saalii wayuu.
EKIRAJAAYA 82
Niʼiküin Jesús na nikirajüinkana sünain oʼuraajaa
¿Kasa nachuntajatka waneepia na nikirajüinkana Jesús?
EKIRAJAAYA 83
Nikirüin Jesús watta saalii wayuu
¿Kasa watüjaka süchiki nukuwaʼipa Jehová sünainjee tü naaʼinrakat Jesús?
EKIRAJAAYA 84
Waraittüshi Jesús sooʼopünaa tü palaakat
¿Talatakajasaʼa maʼin naaʼin na aluwataaushikana soʼu tia?
EKIRAJAAYA 85
Niiyajüin Jesús wayuu saawanoʼu
¿Jamüsü mojushiika namüin waneinnua tü naainjakat Jesús?
EKIRAJAAYA 86
Asoʼireʼennüsü naaʼin Lázaro nutuma Jesús
Wanaa sümaa niʼrüin Jesús sünain shiʼyalajüin María, aʼyalajüshi nia. Talatapajaʼa naya saaʼujee tü alatakat mapa.
EKIRAJAAYA 87
Tü ekawaa aipaʼajatkat nutuma Jesús
Nüküjain Jesús namüin na aluwataaushikana tü naaʼinrajatkat.
EKIRAJAAYA 88
Ataʼünüshi Jesús
Antüsü wainma wayuu nümaa Judas sümaa wunuʼu ooʼulaka chajaruuta sajapuluʼu süpüla nataʼülüinjachin Jesús.
EKIRAJAAYA 89
Nuunjulajüin Pedro süchiki niʼraajüin Jesús
¿Kasa alataka süpaatiaseruʼu nipia Caifás? ¿Kasa aainjünaka nüka Jesús nipialuʼu Caifás?
EKIRAJAAYA 92
Eeʼiyataashi Jesús namüin na olojuliikana jime
¿Kasa naaʼinraka Jesús napüleerua süpüla nayaawatüin naaʼu?
EKIRAJAAYA 93
Oʼunushi Jesús iipünaamüin
Süpülapünaa nuʼunuin Jesús iipünaamüin, nüküjain namüin na nikirajüinkana waneirua kasa naaʼinrajatka.
EKIRAJAAYA 94
Naapüin Maleiwa tü nüpülainkat namüin na nikirajüinkana Jesús
¿Kasa pülasü naaʼinraka na nikirajüinkana Jesús sutuma tü nüpülainkat Maleiwa?
EKIRAJAAYA 95
Ayatüshii aküjain pütchi
Na laülaashiikana oʼutitka naaʼin Jesús, nachajaain sukuwaʼipa süpüla nooʼuleʼerüin na nikirajüinkana Jesús suulia aküjaa pütchi. Isapejeʼe nachiki nountuin tia.
EKIRAJAAYA 96
Aneekünüshi Saulo nutuma Jesús
Wayuu mojulaashi maʼin Saulo namüin na nikirajüinkana Jesús, aʼwanajaapejeʼe nukuwaʼipa mapa.
EKIRAJAAYA 97
Naapüin Maleiwa tü nüpülainkat nümüin Cornelio
¿Jamüshi nuluwataakana Pedro nutuma Maleiwa nipialuʼumüin wanee gentil, wanee wayuu nnojoikai judíoin?
EKIRAJAAYA 98
Aküjashii maʼin pütchi wattapünaa na anoujashiikana
Aküjashi maʼin pütchi chi aluwataaushikai Pablo wattapünaa maʼin namaa na nümaakana.
EKIRAJAAYA 99
Wanee kaatsetpüʼü anoujakai
Suluʼu tü aküjalaakat, aashajaasü süchiki wanee süseyuu wanee jintut, süchiki sukutkajaain mmaka otta süchiki wanee chajaruuta
EKIRAJAAYA 100
Pablo nümaa Timoteo
Aʼyataajiraashii piamashii wayuu soʼu wainma juya otta aleewajiraashi maʼin naya.
EKIRAJAAYA 101
Oʼuninnüshi Pablo Romamüin
Mayaainjeʼe keemain tü alatakat nümüin Pablo wopuluʼu, nnojoipejeʼe suuʼuleʼerüin tia süpüla nüntajachin Romamüin.
EKIRAJAAYA 103
«Wachuntuin pümüin puluwataainjachin»
Nüshajüin chi aluwataaushikai Juan suluʼu tü karaloʼutakat Alateetkat Mapeena anainjatüin sukuwaʼipa mmapaʼakat sutuma Nuluwataaya Maleiwa.
