Aküjashi Jesús süchiki Nuluwataaya Maleiwa. Nikirajüin wayuu sünain achuntaa süpüla kojutuinjatüin atumawaa nünülia Maleiwa, süpüla nüntajachin Maleiwa maalü sünain aluwatawaa otta süpüla saainjünüin tü keeʼireekat naaʼin yaa Mmapaʼa. Kachonle pia, pikiraja naya süpüla nayaawatüinjatüin saaʼu jamüin choʼujaaka woʼuraajüin nümüin Maleiwa. Ayatüshi Jesús nümaa Maleiwa mayaapejeʼe nuuʼulaküin Satanás naaʼin. Kojutusü maʼin nümüin Jesús nuʼwaajüin Maleiwa. Nüneeküin na aluwataaushiikana, na palajanakana wayuu chainjanaka nümaa iipünaa. Süka nükaalinjeein maʼin na wayuukana, niiyajüin na ayuuishiikana, nikirüin na alatitkana jamü otta nüsoʼireʼerüin naaʼin waneinnua outushii. Sükajee tia, wayaawata aaʼu wainmeerüin tü kasa anasü eejeetkat mapeena Nuluwataapa Maleiwa.