Suʼttia tü shiʼipakat 2
¿Jamüsü najaʼttirakaʼa Jehová wayuu sümaiwa süka wanee juya miyoʼushaata? Oʼttatüjülia wayuu sünain aaʼinraa kasa mojusü. Napüshi na wayuu aaʼinrakana kasa mojusü nia Adán sümaa Eva otta Caín, chi nachonkai. Eeshii maʼaka jeʼrashii neʼe na aaʼinrakana kasa anasü, maʼaka naaʼin Abel otta Noé. Otta na waneinnua mojulaashii maʼin naya, najaʼttiraka Jehová naya. Sünain tü shiʼipakat piama, wekirajaajeerü anain nütüjaain saaʼu Jehová jaraliin na nümaajanakana otta najaʼttireena na mojulaakana.
SÜNAIN SHI'IPAKAT TÜÜ
EKIRAJAAYA 3
Eʼrüshi wayumüin Adán sümaa Eva
¿Jamüsü nnojoluinjatka shikünüin süchon wanee wunuʼu suluʼujatka tü apainkat Edén? ¿Jamüsü shikaka Eva süchon tü wunuʼukat?
EKIRAJAAYA 4
Uwomuyuushi sutuma jashichin nia
Nücheküin Maleiwa tü nüsülajakat Abel otta niyoutuin tü nüsülajakat Caín. Nütüjaapa saaʼu tia Caín, jashichishi maʼin otta naainjaka wanee kasa mojusü.
EKIRAJAAYA 5
Nukumajüin Noé wanee anuwa
Süka kaʼwayuusein jieyuu na aapiee eʼrüliikana wayumüin, kachonshii naya, miyoʼuyuu maʼin sümaa mojulaain maʼin naya. Joutsü maʼin tü mojulawaakat. Naatapajaʼa nukuwaʼipa Noé, aishi Maleiwa nüpüla otta oonooshi nia sümaa nünüiki.
EKIRAJAAYA 6
Mekiisatshii na antakana suluʼumüin wanee mma jeketü
Aʼitüsü tü juyakat soʼu 40 kaʼi otta 40 ai. Alatüsü suulia wanee juya yalajachin Noé sümaa nüpüshi suluʼu tü anuwakat. Nümaka Jehová namüin nojuʼitajanain suluʼujee tü anuwakat.
