Piama kashi süchikijee nalatüin na israelitakana tü palaa Ishosükat, antüshii naya eemüin tü uuchikat Sinaí. Nüpansaajaka nünüiki Jehová namüin süpüla nupueuloseinjanain naya. Naaʼinmajüin naya jee naapüin tü choʼujaakat namüin, maʼaka saaʼin tü maná nekakat, nnojotsü ajaʼttüin nasheʼin jee kepiashii naya nutuma. Kachonle pia, pikiraja naya süpüla nayaawatüinjatüin saaʼu jamüin naapaka Jehová namüin na israelitakana tü Pütchi naapakat nümüin Moisés, jamüin naainjitkat tü jurasükeetkat jee jamüin niʼitaaka sacerdote. Püküja namüin jamüin choʼujaaka wekeraajüin wanüiki, nnojoluinjatüin yaletüin waaʼin jee waneepiainjanain waya nümaa Jehová.