Suʼttia tü shiʼipakat 7
Sünain shiʼipakat tüü, wekirajaajeerü anain süchiki nukuwaʼipa chi aluwataaikai Saúl jee müshia David jee tü alatakat soʼutpünaa 80 juya. Nuʼttaiwaʼaya Saúl sünain aluwatawaa, oonooshi nia sümaa nünüiki Maleiwa otta nnojotsü yaletüin naaʼin. Mapa, amojujaasü nukuwaʼipa otta eʼrüijaashi nia wayumüin. Niyoutuin Jehová nia sünainjee tia, nuluwataaka Samuel süpüla nüneeküin David süpüla nuluwataainjachin saaʼu Israel. Achunjashi Saúl nümüin David otta nuʼutee aaʼinchi nia. Akaisaʼa David nnojoishi achajaain pasalaawaa. Nütüjaa aaʼu Jonatán chi nüchonkai Saúl, nüneekünüin David nutuma Jehová süpüla nuluwataainjachin saaʼu Israel, müshijeseʼe waneepiain nia nümaa David. Kaainjalashi David, anapejeʼe nümüin nüchiaain nia Jehová. Kachonle pia, pikiraja naya süpüla jüüjüüin sümüin süpüshuaʼa tü nüneekakat Maleiwa.
SÜNAIN SHI'IPAKAT TÜÜ
EKIRAJAAYA 39
Chi aluwataakai palajana saaʼu Israel
Eejana nekiipüʼü na Israelitakana nutuma Jehová süpüla noʼunirüin nakuwaʼipa, akanasaʼa na israelitakana achuntushii wanee aluwataai. Niʼyotuin Samuel seita saaʼu nikii Saúl süpüla niainjachin Chi aluwataakai palajana saaʼu Israel; niyoutaka nia Jehová mapa, ¿jamüshi niyoutaka nia?
EKIRAJAAYA 40
Nüchiki David nümaa Goliat
Aneekünüshi David nutuma Jehová süpüla nuwataain saaʼu Israel jee saaʼujee tü naaʼinrakat David atüjaana aaʼu niain chi nüneekakai Maleiwa.
EKIRAJAAYA 41
Nüchiki David nümaa Saúl
Aʼürülaanüshi wanee wayuu anamia nutuma wanee wayuu mojulaashi. ¿Müsüche nukuwaʼipa chi wayuu anamiakai nümüin chi wayuu mojulaashikai
EKIRAJAAYA 42
Waneepiashi Jonatán sümaa yalayalain naaʼin
Chi nüchonkai chi aluwataaikai, aleewashi maʼin nümaa David.
