Süpüla aleewain pia waneepia nümaa wanee paʼaleewain choʼujaasü paashajaain nümaa. Paapüin nünüiki ooʼulaka niakai naapüin pünüiki. Otta müsia anasü pünüiki nüchiki. Shia paainjüinjatka tia maʼaka aleeweere pia nümaa Maleiwa. Wekirajaa sünain tü waaʼinrüinjatkat.

Paashajaa nümaa Jeowa waneepia. «Jüchunta waneepia nümüin Maleiwa» (Roma 12:12).

Paashajeʼera tü Wiwüliakat. «Aapünüsü tia pütchikat wamüin [...] süpüla wekirajüinjatüin wayuu sünain. Je na aapaakana shia, achiajaaneena naya sütüma suulia kaainjalaa, anouktüneena akuaippa sütüma, je akaaliijüneena naya sütüma sünain aaʼinraa tü kasa anasükat.» (2 Timoteo 3:16.)

Pikiraja wayuu nüchiki Maleiwa. «Juʼuna [...] sainküin mmakat süpüshua [...] [jikiraja] wayuu [...]. Süpüla nayainjanain na tekirajüinkana. [...] Jikirajeena naya sünain tü taluwataapüʼükat anain jia süpüla noonooinjatüin sümaa.» (Mateo 28:19, 20.)

 Pürütkaa eemüin na naʼaleewainkana Maleiwa. «Eeka namaain wayuu eeka kekiin maʼin kekiijeechi maʼin.» (Proverbios 13:20, NM.)

Puʼuna sünain tü outkajawaa aainjünakat suluʼu tü Piichi outkajaaleekat. «Anakaja müleka wakaaliijiraale wapüshua sünain kamaneejiraain je sünain waaʼinrüin tü anasükat. [...] Anakaja wachiaajiraale [watütüleʼerüle waaʼin namaa na waneeinua, NM] waneepia.» (Hebreokana 10:24, 25.)

Pükaaliinja süpüla ayatüin tü aʼyatawaakat sünain Nuluwataaya Maleiwa. «Anakaja müleka jaapüle süka jaaʼin [...] tü jüsülajüinjatkat [...]. Nnojotsü jaapüinjatüin mojusheeka [...], süka talatüin naaʼin chi Maleiwakai nümaa chi wayuu asülajakai süka naaʼin.» (2 Corinto 9:7.)