EKIRAJAAYA 3
¿Jamapuʼusü nakuwaʼipa chaa Edén?
Wainma kasa anasü aapünaka nümüin Adán sümaa Eva (Génesis 1:28)
Nukumajüin Je’waa Eva, tü palajatkat jierü süpüla nuʼwayuuseinjatüin shia Adán (Génesis 2:21, 22).
Anasü maʼin nukumajia Adán sümaa Eva nutuma Maleiwa. Nnojotsü eein mojuluʼulu nekiiruʼu jee mamojulasat natapaʼa.
Kepiapuʼushii suluʼu tü mmakat Edén: wanee mma anasü maʼin, eejatü wunuʼulia suluʼu, süchi otta mürüt. Müsü aka saaʼin wanee apain.
Aashajaapuʼushi Je’waa namaa otta nikirajapuʼuin naya sünain wainma kasa. Kateere noʼu waneepia suluʼu tia paʼaraiisükat, jülüjüinjatü naaʼin nünüiki Maleiwa otta oonooinjana sümaa.
Nnojotsü neküinjatüin süchon wanee wunuʼu (Génesis 2:16, 17)
Naashin Maleiwa nnojoluinjatü niküin Adán sümaa Eva süchon tü wunuʼu chajatkat Edén. Neküle shia oukteena.
Eʼrüijaashi wayumüin wanee aapiee nümüin Maleiwa. Aapieekai chia nia Satanaa, chi Yolujaakai.
Nnojotsü nücheküin Satanaa noonooinjanain nümaa Je’waa. Nüküjüin sükajee wanee wüi nnojoleerüin ouktüin Eva shiküle süchon tü wunuʼukat. Naashin, müinjatü aka naaʼin Maleiwa. ¡Naʼalain neʼe tia! (Génesis 3:1-5.)
Eesüjaʼa kamalainjeerüle pümüin aashajeʼeraa tüü
ENSEÑANZAS IMPORTANTES DE LA BIBLIA
¿Kasache nukumajaka apüla Maleiwa tü Mmakat?
Anachonsü maʼin tü Mma kepiakalü aluʼu waya. Nnojotsü wattaleein otta pejereein shia nünain chi kaʼikai, pansaasü shiʼitaaya eeinjatüle leeyatüin shia otta jetsüinjatüin suwachira. ¿Jamüsüche anaka maʼin sukumajia nutuma Maleiwa?
