Achecheraa aaʼin
¿Achecherüinjanache naaʼin na wayuu aʼyataakana nümüin Jehová?
¿Jamüsü nnojoluinjatkaʼa ponuin waaʼin mamalain sümüin wayuu tü pütchi waküjakat jee mojushiin sümüin tü kasa waainjakat?
Mt 10:22; Jn 15:18, 19; 2Co 6:4, 5
-
Pütchi suluʼuka tü Bibliakalü anaka maʼin:
-
2Pe 2:5; Gé 7:23; Mt 24:37-39: Nnojotsü kasajatüin sümüin wayuu tü pütchi nüküjakat Noé, niaʼalaka neʼe katüin oʼu namaa na nüpüshikana süchikijee tü juya miyoʼukat maʼin.
-
2Ti 3:10-14: Nüküjain Pablo nümüin Timoteo nüchecherüin naaʼin soʼunnaa niʼrüin nümüliala, shia naaʼinrajatka Timoteo tia naashin.
-
¿Jamüsü nnojotkaʼa ponuin waaʼin napüleeruain waaʼin na wapüshikana shiiʼiree wooʼulaain suulia anoujaa?
-
Pütchi suluʼuka tü Bibliakalü anaka maʼin:
-
Gé 4:3-11; 1Jn 3:11, 12: Wayuu mojulaashi Caín, müshijeseʼe nuʼutuin naaʼin Abel chi nimüliakai, wayuu loto akuwaʼipachi chia nuʼutakai aaʼin.
-
Gé 37:5-8, 18-28: Ojutunushi José suluʼu wanee ishi natuma na nuwalayuukana jee noiküin nia süpüla achepchieein nia, naaʼinrüin tia süka nüküjain José namüin wanee nüʼlapüin nutuma Jehová.
-
¿Jamüshii nnojoliinjanakaʼa mmoluin waya seema outaa müliale waya atumawaa?
Paashajeʼera Ap 2:10.
-
Pütchi suluʼuka tü Bibliakalü anaka maʼin:
-
Da 3:1-6, 13-18: Nnojotsü nuʼwaajüin Sadrac Mesac otta Abednego wanee ayaakuaa mayaainjeʼe noʼutuneein aaʼin nutuma chi aluwataashikai.
-
Alu 5:27-29, 33, 40-42: Ayatüshii aküjain pütchi na aluwataaushikana mayaainjeʼe eein wayuu oʼuteeka naaʼin.
-
¿Kasa ayateetka atuma woonooin waneepia nümüin Jehová mayaainjeʼe wachiaanüin?
Pr 3:11, 12; Heb 12:5-7
-
Pütchi suluʼuka tü Bibliakalü anaka maʼin:
-
Nú 20:9-12; Dt 3:23-28; 31:7, 8: Ayatüshi Moisés aʼyataain nümüin Jehová mayaainjeʼe nüchiaanüin nutuma, naaʼinrüin tia outaleepaʼaya nia.
-
2Re 20:12-18; 2Cr 32:24-26: Achiaanüshi Ezequías saaʼujee naainjala, ayaawajaapejeʼe nia suulia sümaa nnojoluin yaletüin naaʼin, ayataka nia aʼyataain nümüin Jehová.
-
¿Jamüsü kapüleekaʼa wamüin wachecherüin waaʼin eere wayuu ooʼulaaka suulia aʼyatawaa nümüin Jehová?
Jer 1:16-19; Hab 1:2-4
-
Pütchi suluʼuka tü Bibliakalü anaka maʼin:
-
Sl 73:2-24: Jülüjasü naaʼin chi ashajakai salmokat tüü anain nakuwaʼipa na mojulaashiikana, müsüjeseʼe nüsakirüin kasain anain apüla ayatüle nia sünain aʼyatawaa nümüin Jehová.
-
Jn 6:60-62, 66-68: Mayaainjeʼe wainmain na wayuu ooʼulaakana suulia oushikajawaa süchiirua nukuwaʼipa Jesús, nnojoishi ooʼulaain Pedro suulia tia.
-
¿Kasa wachechereetka akajee waaʼin?
Wachechereerü waaʼin ayatüle warütkaain nünainmüin Jehová
Dt 30:19, 20; Ro 15:5, 6; 1Co 10:13
Wachecherüin waaʼin waashajeʼerüle tü Bibliakat jee wasakireʼerüle waaʼin sünain
Ec 7:12; Ro 15:4; Col 1:10, 11; 2Pe 3:15-18
Arütkaajeena waya nünainmüin Jehová waneepia woʼuraajüle nümüin
-
Pütchi suluʼuka tü Bibliakalü anaka maʼin:
-
Da 6:4-11: Ayatüshi oʼuraajüin Daniel nümüin Jehová mayaainjeʼe nuʼutuneein aaʼin.
-
Mt 26:36-46; Heb 5:7: Wanee ai süpülapünaa nuʼutunuin aaʼin Jesús, oʼuraajüshi maʼin nia jee nüküjain namüin na wayuukana naaʼinrajatüin tia.
-
Achechereena waya waaʼin aleewale waya waneepia namaa na wawalayuukana
Wachechereerü waaʼin jülüjale waaʼin tü kasa naaʼinrajatkat Maleiwa mapeena
Wounteerü wachecherüin waaʼin kooʼomüinre maʼin naalin Jehová wapüla jee naalin na wawalayuukana
Wachechera waaʼin sünain anoujaa
Wachechereerü waaʼin soʼunnaa müliaa sotule waaʼin jamüin naaʼin Jehová woonoole nümüin
¿Kasa weʼreetka sünainjee wachecherüin waaʼin sünain anoujaa?
Kojuteechi Jehová atumawaa
Pr 27:11; Jn 15:7, 8; 1Pe 1:6, 7
-
Pütchi suluʼuka tü Bibliakalü anaka maʼin:
-
Job 1:6-12; 2:3-5: Nüküjain Satanás nükaalinjain Jehová na anoujakana nünain saaʼujee neʼe naʼyataain nümüin. Achechetshi naaʼin Job soʼunnaa müliaa süpüla sütüjaanüin aaʼu alawaain neʼe tü nüküjakat Satanás.
-
Ro 5:19; 1Pe 1:20, 21: Nnojoishi oonooin Adán nümüin Maleiwa, niapejeʼe oonooin Jesús nümüin, müsü nukuwaʼipa mayaa outaleepaʼaya nia. Atüjaa aaʼu sükajee tia nuuntuin noonooin waneepia wanee wayuu nümüin Maleiwa jaʼitashi nuuʼulakünüin aaʼin.
-
Wakatsüinra naaʼin na wawalayuukana süpüla nachecherüin naaʼin
Aneerü wakuwaʼipa sünain aküjaa pütchi wachecherüle waaʼin
Talateechi Jehová wamaa jee eʼreena waya kasa anasü nutuma saaʼujee wachecherüin waaʼin
Mt 24:13; Lu 21:19; 1Co 15:58; Heb 10:36
Paashajeʼera Ro 2:6, 7; Snt 1:12.
Eesüjaʼa kamalainjeerüle pümüin aashajeʼeraa tüü
WASHATA SUKUWAʼIPA NANOULA
«Wanaawajiraasü naaʼin [Noé] waneepia nümaa Maleiwa»
Kapüleesü maʼin nümüin Noé sümaa nuʼwayuuse epijaa nachonnii. ¿Kasa naaʼinraka süpüla neeʼiyatüin sünain kanoulain naya?
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
