Pütchi suluʼuka tü Bibliakalü anaka maʼin:

• Mt 4:8-10: Nüküjain Satanás nümüin Jesús naapeerüin nümüin tü suumainkalüirua wayuu nüsapainkale Jesús sünain aʼwaajaa nia, jaʼitasü neʼe uwatuain tia. Niyoutamaatüin Jesús tia süka niain neʼe nuʼwaajeein Jehová.

• Ap 19:9, 10: Eeshi wanee aapiee pülashi ayoutakai süchiki nuʼwaajünüin nutuma chi aluwataaushikai Juan.

Pütchi suluʼuka tü Bibliakalü anaka maʼin:

• Is 1:10-17: Nnojotsü nücheküin Jehová süchiki nuʼwaajünüin nutuma wanee wayuu eekai anayaain nukuwaʼipa sümaa nnojolin noonooin nümüin.

• Mt 15:1-11: Nüküjain Jesús nnojolin nücheküin Jehová nuʼwaajünüin wanaapünaa sümaa tü kasa suluwataakalü anain wayuu suulialeʼeya tü nuluwataakalü anain.

Pütchi suluʼuka tü Bibliakalü anaka maʼin:

• Alu 2:40-42: Outkajaapuʼushii na anoujashiikana soʼu nükalia Jesús süpüla oʼuraajaa, süpüla jutkatüin naya jee süpüla nekirajaain sünain tü Nünüikikat Maleiwa nüküjakat sükajee tü nüpülainkat.

• 1Co 14:26-40: Nüküjain chi aluwataaushikai Pablo anainjatüin maʼin sukuwaʼipa süpüshuaʼa tü kasa aaʼinnakat sünain tü outkajawaakat, nnojotsü matüjaajuinjatüin aaʼu, akatsüinnüinjatü naaʼin napüshuaʼa na jutkatüshiikana süpüla natüjaain saaʼu jee nayaawatüin saaʼu tü ekirajünakalü anain.

Pütchi suluʼuka tü Bibliakalü anaka maʼin:

• Heb 11:6: Nüküjain chi aluwataaushikai Pablo choʼujaain maʼin kanoulainjachin wanee wayuu süpüla anashiin nümüin Jehová nuʼwaajüin nia.

• Snt 2:14-17, 24-26: Nüküjain Santiago chi nuwalakai Jesús, jaʼyain waaʼu kanoulain waya sükajee tü kasa waaʼinrakat.