Pütchi suluʼuka tü Bibliakalü anaka maʼin:

• 1Sa 15:17-23: Aʼayajaana aaʼinchi nutuma Samuel Saúl, chi aluwataashikai süka nnojolin jaa nümüin nümüin Jehová, nüküjain Samuel jamüin choʼujaaka maʼin jaa nümüinjachin.

• Heb 5:7-10: Jaa müshi Jesús waneepia nümüin chi Nüshikai jee atüjashia nia süpüleerua jaa maa soʼu müliain nia atumawaa yaa mmapaʼa.

Pütchi suluʼuka tü Bibliakalü anaka maʼin:

• Da 3:13-18: Nayouta achikirü apünüinshii hebreo jaa makana nümüin Maleiwa nasapainkain naya sümülatuʼu wanee ayaakuaa nukumajiralakat Nabucodonosor chi aluwataashikai, naaʼinrüin tia mayaainjeʼe noʼutunajanain aaʼin.

• Mt 22:15-22: Nüküjain Jesús namüin na nikirajüinkana jaa namüinjanain namüin na sülaülakana mma, naaʼinrajatpejeʼe tia nnojorüle suchuntunuin namüin naaʼinrajatüin wanee kasa mojukat noʼuluʼu Maleiwa.

• Alu 4:18-31: Ayatüsia yalayalain naaʼin na aluwataaushikana sünain aküjaa pütchi mayaainjeʼe süpülajünüin tia natuma na sülaülakana mma.

Pütchi suluʼuka tü Bibliakalü anaka maʼin:

• Esd 7:7-10: Niʼitaain nüpüleerua Esdras jaa nümüinjachin sümüin tü nuluwataalakü anain Maleiwa, suluʼujee tia anasü nukuwaʼipa suʼupala wayuu otta nikirajüin süchiki tia.

• Jn 14:31: Nüküjain Jesús jamüin jaa nümaka sümüin süpüshuaʼa tü nuluwataalakü anain chi Nüshikai.

Pütchi suluʼuka tü Bibliakalü anaka maʼin:

• Gé 6:9-22; Heb 11:7: Jaʼyasü naaʼu Noé kanoulain nia soʼu nukumajüin wanee anuwa miyoʼu wanaapünaa sümaa tü nümakat Maleiwa, «naaʼinrüin süpüshuaʼaya tü nuluwataakat anain».

• Heb 11:8, 9, 17: Jaʼyasü naaʼu Abrahán kanoulain nia sükajee jaa nümüin nümüin Jehová soʼu nuʼunuin suluʼujee Ur jee soʼu naapüinjachin nikii chi nüchonkai.

Pütchi suluʼuka tü Bibliakalü anaka maʼin:

• Le 26:3-6: Nüküjain Jehová neʼreenain kasa anasü nutuma na wayuu jaa makana nümüin jee naaʼinmajeena naya.

• Nú 13:30, 31; 14:22-24: Eʼrüshi Caleb kasa anasü nutuma Jehová saaʼujee jaa nümüin nümüin.

Pütchi suluʼuka tü Bibliakalü anaka maʼin:

• Gé 2:16, 17; 3:17-19: Nnojolitchipa kepiain Adán sümaa Eva suluʼu wanee paʼaraiisü, nnojotsü lotuin nakuwaʼipa jee nnojoluitpa katüin noʼu waneepia süka nnojoliin jaa namüin nümüin Jehová.

• Dt 18:18, 19; Alu 3:12, 18, 22, 23: Nüküjatüjülia Jehová eeinjachin wanee nünüikimaajachi alanaʼaleekai nuulia Moisés jee süsaleena naainjala nutuma na wayuu nnojoliikana jaa müin.

• Jud 6, 7: Eʼrüijaashii wayumüin waneinnua aapiee jee na wayuu chajanakana Sodoma sümaa Gomorra. Aashichijaashi Jehová sutuma nnojoliin jaa namüin nümüin.

Pütchi suluʼuka tü Bibliakalü anaka maʼin:

• Jn 12:46-48; 14:24: Nüküjain Jesús kasalajaneerüin nümüin naainjala chi wayuu nnojoikai jaa müin nümüin.

Pütchi suluʼuka tü Bibliakalü anaka maʼin:

• Gé 37:3, 4, 8, 11-13, 18: Jaa müshi José nümüin chi nüshikai jimaʼaiwaʼaya nia, nuʼunakalaka sünain anaʼlawaa namüin na nuwalayuukana mayaainjeʼe naʼürülain nia.

• Lu 2:51: Ayatüshia jüüjüüin Jesús nümüin José jee sümüin María mayaainjeʼe lotuin nukuwaʼipa noulia naya wayuu kachonniikana nia.