Kaainjalaa
¿Jamaluʼulu kaainjalain wanee wayuu? ¿Jamüsü mojukaʼa wakuwaʼipa wapüshuaʼa sutuma?
¿Kasa wayaawataka akajee sutuma tü Bibliakat wounteerüin wachecherüin waaʼin suulia waaʼinrüin tü kasa mojusü suchuntaakat waaʼin?
-
Pütchi suluʼuka tü Bibliakalü anaka maʼin:
-
2Sa 11:2-5, 14, 15, 26, 27; 12:1-13: Eesü tü kasa mojusü maʼin naaʼinrakat David, süsalaka nia naainjala, jaʼyapejeʼe naaʼu niyaawajaain suulia.
-
Ro 7:15-24: Katchinsü maʼin nunoula Pablo jee oonooshi nia sümaa nünüiki Maleiwa, nüchechetpejeʼe maʼin naaʼin suulia naaʼinrüin tü kasa mojusü jülüjakat naaʼin jee tü suchuntaakat naaʼin.
-
¿Jamüsü wainmakaʼa wayuu kaainjalaka sutuma nnojoluin sütüjaain saaʼu wanee kasa jee sutuma shimeejünüin?
Alu 3:17; 17:29, 30; 1Ti 1:13; 1Pe 1:14
Paashajeʼera Nú 15:27-29.
¿Jamüsü mojukaʼa maʼin macheʼere waya süchiirua aaʼinraa kasa eekai mojuin maʼin?
Paashajeʼera Nú 15:30; Ro 1:28-32; 1Ti 5:20.
¿Kasa naaʼinraka Satanás süpüla nuuʼulaküin naaʼin wanee anoujashi shiiʼiree kaainjalain nia nutuma?
Pr 1:10, 11, 15; Mt 5:28; Snt 1:14, 15
-
Pütchi suluʼuka tü Bibliakalü anaka maʼin:
-
Gé 3:1-6: Emeejünüsü Eva nutuma Satanás sükajee wanee wüi, naaʼinrüin tia süpüla jülüjain saaʼin sukuwaʼipa sümüiwaʼa jee sümaʼaneein wanee kasa naata kakorotshi, seemiajaaka sunoula nünain Jehová suluʼujee tia.
-
Pr 7:6-10, 21-23: Aashajaashi Salomón nüchiki wanee wayuu jimaʼai matüjainkai süpüleerua nukuwaʼipa, nnojoikai achecherüin naaʼin suulia wanee jierü aʼluwajiraʼawaikat sukuwaʼipa.
-
¿Kasa waaʼinrajatka süpüla wachecherüin waaʼin nuuʼulakapa waaʼin Satanás?
-
Pütchi suluʼuka tü Bibliakalü anaka maʼin:
-
Pr 5:1-14: Maʼaka naaʼin wanee wayuu achiaakai nüchon, müshia neʼe Salomón, nüchiaain waya sükajee pütchi nümaʼanajeejatü Jehová süpüla wayoutuin süchiki waʼluwajiraain wakuwaʼipa.
-
Mt 4:1-11: Nüchecherüin naaʼin Jesús soʼunnaa nuuʼulakünüin aaʼin nutuma Satanás, nuuntuin tia sükajee noonooin sümaa Nünüiki Maleiwa.
-
¿Kasa nnojotka naaʼinrajatüin na anoujashiikana suulia kaainjalain naya?
Paashajeʼera «Aainjaa kasa mojusü»
Aküjaa süchiki tü kasa mojusü waainjakat
¿Jamüsü nnojoluinjatkaʼa wounjulajüin süchiki tü waainjalakat?
¿Jarai waküjainjachika amüin süpüshuaʼa tü waainjalakat?
Sl 32:5; Mt 6:9-14
¿Jarai «chi akaalinjakai waya» sükajee nusoutuin waaʼu nümüin Jehová?
¿Eesüche süpüla jaʼyain naaʼu wanee wayuu sükajee tü naainjakat niyaawajaain suulia naainjala?
Paashajeʼera «Ayaawajawaa suulia aainjalaa».
-
Pütchi suluʼuka tü Bibliakalü anaka maʼin:
-
Éx 22:1-12: Saashin tü Pütchi Aapünakat nümüin Moisés, nuwalaajüinjatü wanee wayuu kaʼruwarai tü kasa nuʼluwajakat.
-
Lu 19:8, 9: Zaqueo, chi laülaakai naaʼu na achekajüliikana nneerü neʼipajee na sülaülakana mma, jaʼyasü naaʼu niyaawajaain suulia tü naaʼinralakat sükajee nunoutuin nukuwaʼipa jee niiteʼerüin sümüin wayuu tü nimeejakat suulia.
-
¿Jamüshii wanoujainjanakaʼa sünain moteerüin naaʼin Jehová waainjala?
Paashajeʼera «Motoo aaʼin aainjalaa».
¿Jaralii niʼitaaka Jehová süpüla nakaalinjain na anoujashiikana jee naaʼinmajüin naya wanaa sümaa kaainjalain wanee anoujashi?
Paashajeʼera Alu 20:28; Gal 6:1.
¿Jamüsü mojeetka sukuwaʼipa wapüshi jee nakuwaʼipa na wawalayuukana sutuma kaainjalain wanee anoujashi?
Paashajeʼera Dt 29:18.
-
Pütchi suluʼuka tü Bibliakalü anaka maʼin:
-
Jos 7:1-13, 20-26: Eʼrüshii namüliala napüshuaʼa na israelitakana sutuma kaainjalain Acán jee sutuma nuunjulajüin süchiki.
-
Jon 1:1-16: Outataainnajeʼe napüshuaʼa na wayuu sulujunakana tü anuwakat sutuma nnojolin noonooin Jonás sümüin nünüiki Jehová.
-
1Co 5:1-7: Nüküjain chi aluwataaushikai Pablo namüin na anoujashii chajanakana Corinto eejachin naʼaka wanee wayuu kaainjalashi, mojeechika atuma nakuwaʼipa napüshuaʼa na anoujashiikana.
-
¿Jamüshii wachuntuinjanakaʼa kaalinwaa namüin na laülaashiikana suulia yüütüin neʼe waya saaʼujee mmoluin waya?
Pr 3:11, 12; Heb 12:5-7, 11; Snt 5:14, 15
¿Jamüshii wanoujainjanakaʼa sünain motuin naaʼin Jehová waainjala suulialeʼeya mojukuʼu müin waaʼin saalinjee tü kasa mojusü waainjakat paala?
Paashajeʼera «Ayaawajawaa suulia aainjalaa».
Watüjaale saaʼu kaainjalain wanee anoujashi, ¿jamüsü wachajaainjatkaʼa sukuwaʼipa süpüla natüjaainjatüin saaʼu tia na laülaashiikana?
Le 5:1
-
Pütchi suluʼuka tü Bibliakalü anaka maʼin:
-
Dt 13:6-9; 21:18-20: Saashin tü Pütchi Aapünakat nümüin Moisés, nüküjainjatü wanee wayuu süchiki naainjala wanee wayuu yalejee, jaʼitashi niain wanee nüpüshi jee wanee wayuu aikai nüpüla.
-
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
Süchiki tü kaainjalaakat
¿Jamüsü mojuleeka naainjala wanee wayuu nuulia wane?
Tatüjaka sünainjee tü Wiwüliakat
Süchiki naainjala David
Eʼrüshi nia nümüliala sutuma mojuin tü kasa nüneekajalakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
