Na sülaülashiikana mma
¿Jarai chi aluwataai noonookai amaa waneepia na anoujashii shiimainshiikana?
Paashajeʼera Da 7:13, 14.
-
Pütchi suluʼuka tü Bibliakalü anaka maʼin:
-
Sl 89:18-29: Nüneeküin Jehová chi Mesíaskai süpüla nuluwataainjachin saaʼu tü mmakat.
-
Ap 12:7-12: Suʼttiajee sükalia süpüla sajaʼttüin kasa mojusü, oʼttushi Jesús sünain aluwatawaa, jama niain chi Mesías aneekuushikai. Ajutunushi Satanás nutuma Jesús iipünaajee.
-
Sümaʼainruʼu yaain mmapaʼa na anoujashii aluwataainjanaka iipünaa, ¿kasa aneeküneenaka apüla naya nuluwataapeena Maleiwa?
Kojutushii namüin na anoujashiikana na sülaülakana mma
¿Jamüshii woonookaʼa sümüin tü naluwataakalü anain na sülaülashiikana mma jee wawalaajakaʼa tü nneerü nachuntakat wamüin?
Ro 13:1-7; Tit 3:1; 1Pe 2:13, 14
Paashajeʼera Alu 25:8.
-
Pütchi suluʼuka tü Bibliakalü anaka maʼin:
-
Mt 22:15-22: Nüküjain Jesús nawalaajüinjanale na nikirajüinkana tü nneerü nachuntakat na sülaülashiikana mma.
-
¿Jamüshii nnojoliikaʼa pasalaain waya müliapa waya atumawaa?
Paashajeʼera «Müliaa atumawaa».
Tü nnojotkat naaʼinrüin na anoujashiikana
Mayaainjeʼe kojutuin wamüin na sülaülashiikana mma, ¿jamüsü nnojotkaʼa waapaain sümaa nanüiki nachuntule wamüin nnojoliinjanain woonooin sümaa nünüiki Jehová?
-
Pütchi suluʼuka tü Bibliakalü anaka maʼin:
-
Da 3:1, 4-18: Nnojoishii oonooin apünüinshii jimaʼalii hebreo nümüin chi aluwataashikai saaʼu Babilonia, jama mojuin noʼuluʼu Maleiwa tü achuntunakat namüin.
-
Da 6:6-10: Nnojoishi oonooin Daniel nümüin chi sülaülashikai mma soʼu süpülajünüin nuulia nuʼuraajüinjachin nümüin Maleiwa.
-
¿Kasa naaʼinraka Jesús süpüla nikirajüin na anoujashiikana süpüla nnojoliinjanain nekeroluin sünain poliitika?
¿Jamüshi nnojoleechikaʼa nikeroluin sünain poliitika wanee anoujashi niyaawatüle saaʼu mojuin nümüin Maleiwa suʼwaajünüle wanee kasa?
Éx 20:4, 5; 1Co 10:14; 1Jn 5:21
-
Pütchi suluʼuka tü Bibliakalü anaka maʼin:
-
Da 3:1, 4-18: Nukumajirüin Nabucodonosor wanee shiyaakua maleiwayaasü sümaa nuchuntuin namüin na wayuu nuluwataakana aaʼu nasapainkainjanain sümülatuʼu. Eeshijaʼa naʼwaajüle chi maleiwayaashi kanüliakai Marduk.
-
Nachuntule na sülaülashiikana mma namüin na anoujashiikana paaʼinwainjanain naya namaa jee noʼunuinjanain namaa sünain wanee atkawaa, ¿jarat tü wetsiikulo oʼunireetkat wakuwaʼipa süpüla anain tü kasa waneekakat?
Is 2:4; Jn 18:36
Paashajeʼera Sl 11:5.
-
Pütchi suluʼuka tü Bibliakalü anaka maʼin:
-
Mt 26:50-52: Nüpansaajüin Jesús nnojoliin nekerolojanain sünain atkawaa na nikirajüinkana.
-
Jn 13:34, 35: ¿Oonooshiche wanee anoujashi sümaa tia pütchikat nuʼunule sünain atkawaa suluʼumüin wanee mma jee nuʼutataale naaʼin na anoujakana wanaa nümaa?
-
¿Jamüsü nayoutakaʼa süchiki na anoujashiikana noʼunuin sünain protesta saaʼu mojushiin namüin tü naaʼinrakat na sülaülashiikana mma?
Pr 24:21, 22; Ro 13:1-7; 1Pe 2:17
¿Jamüsü nnojoluinjatkaʼa ponuin naaʼin na anoujashiikana süküjünüin nachiki natuma na sülaülashiikana mma neʼrüliin wayumüin jee nootuin wayuu sünain aaʼinraa tia?
-
Pütchi suluʼuka tü Bibliakalü anaka maʼin:
-
Alu 16:19-23: Eʼrüshi nümüliala Pablo nümaa Silas sutuma neʼikajüin pütchi nüchiki Maleiwa.
-
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Jarai chi aneekünakai süpüla aluwatawaa?
Nüshajirüin Maleiwa suluʼu tü Wiwüliakat waneirua kasa ayaawatünüinjachika akajee chi aluwataai nüneekakai. Niaʼaya maʼin Jesuu chi anakai süpüla aluwatawaa saashin tü Wiwüliakat.
AKÜJALAA SULUʼUJEEJATÜ TÜ WIWÜLIAKAT
Nnojoishii nasapainkain
¿Nükalinjainche Maleiwa na apünüinshiikana jimaʼalii suulia jotüin naya sutuma tü sikikat?
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
