«Anashii nooʼulaale suulia atkawaa jee ashutaa saaʼu wayuu suulia joo keemaleein maʼin tü kasakalüirua» (nünüiki tia António Guterres, secretario general de las Naciones Unidas süchiki tü saainjakat Irán sümüin Israel, aaʼuriiroʼu 13 soʼu 2024).

 Tü atkawaa eekat chaa Oriente Medio müsü aka saaʼin tü alatakat sainküin mmakat.

 «Akooʼomüinraasü maʼin tü atkawaakat sainküin mmakat soʼujeʼereʼeya Segunda Guerra Mundial otta eeshii 2 billones wayuu eʼrakana maʼin mülia sünainjee tia». (Consejo de Seguridad de la Organización de las Naciones Unidas, eneeroʼu 26 soʼu 2023).

 Tü pueulo eere sütkaajiraain maʼin wayuu shia Israel, Gaza, Siria, Azerbaiyán, Ucrania, Sudán, Etiopía, Níger, Myanmar otta müsia Haití. a

 ¿Ajaʼtteetche tü atkawaakat soʼu wanee kaʼi? ¿Eejeetche jimata aaʼin natuma na sülaülashiikana mma? ¿Jamüsüche sünüiki tü Bibliakat süchiki tia?

 Watüjaa aaʼu sutuma tü atkawaa eekat maaʼulu sajaʼttinneerüin soʼu palit kaʼi tü atkawaakat. Ekeraajüsü tü sümakat Bibliakat süchiki sülüʼülüin tü kaʼi sajaʼttinnüinjatkalü oʼu tü kasa alatakat sainküin mma (Mateo 24:3).

•   «Aapeena jia süchiki atkawaa suluʼu mma pejepünaa jünain jee suluʼu mma wattapünaa [...]. Atkaajiraajeerü wayuu suluʼujeejatü wanee pueulo sümaa waneʼeya, atkaajiraajeerü wayuu suluʼujeejatü wanee mma sümaa waneʼeya» (Mateo 24:6, 7).

 Paashajeʼera tü pütchikat «¿Cuál es la señal de “los últimos días” o “los tiempos finales”?» süpüla pütüjaain saaʼu shikeraajüin tü süküjatüjütkalia tü Bibliakat süchiki tü atkawaakat.

 Ajaʼttinneerü tü atkawaakat saashin tü Bibliakat. Nnojoleena nayain ajaʼttirüin tü atkawaakat na wayuukana, sajaʼttireerü shia Armagedón «tü atkawaa eejeetkat soʼu tü nükaliakat chi Maleiwa Pülashikai maʼin» (Apocalipsis 16:14, 16). Süchikijee tia atkawaakat, nikeraajeerü Maleiwa tü nüchekakat süpüleerua wayuu, jimatüinjatüin naaʼin waneepia (Salmo 37:10, 11, 29).

 Pütüjeere sooʼomüin süchiki tü atkawaa ajaʼttirajatkat tü atkawaa eekat sainküin mmakat, paashajeʼera tü pütchikat «¿Kasa wayu Armagedón?».