Soʼu 2022, tü akataajünakat sainküin mmakat sünain tü atkawaakat alanaʼaleesia suulia 2,24 billones dólares. Alatüsü tia sutuma sushutuin Rusia saaʼu Ucrania. Anuu tü aküjünakat aaʼuriiroʼu 2023 sutuma SIPRI, Stockholm International Peace Research Institute (Instituto Internacional de Estudios para la Paz de Estocolmo), süchiki tü akataajünakat soʼu 2022:

•   Wainmaleesia tü nneerü akataajünakat chaa Europa sünain atkawaa maʼaka 13% sooʼomüin, suulialeʼeya tü akataajünakat soʼujee tü juyakat 1991.

•   «Eesü maʼaka saaʼin 9,2% sooʼomüin tü nneerü akataajünakat chaa Rusia sünain atkawaa». Shiaitpa Rusia tü apünüinkat mma akataajaka maʼin nneerü sünain atkawaa.

•   Estados Unidos shia tü akataajakat maʼin nneerü sünain atkawaa: «akataajüsü 39% sooʼomüin, alanaʼaleesia suulia tü akataajünakat sainküin mmakat».

 «Sutuma tü nneerü akataajünakat maʼin sünain atkawaa sainküin mmakat soʼu tü juyakalüirua alatakat, wayaawata aaʼulu kepiain waya suluʼu wanee mma amojujaaka maʼin», naashin chi tottootkai Nan Tian, aʼyataashi nia niʼipajee chi ashajakai tü pütchi suluʼukat SIPRI.

 Süküjain tü Bibliakat natkaajiraweenain maʼin maaʼulu na aluwataaliikana saaʼu wainma mma sainküin mma. Otta süküjain wamüin jarai chi eejeechikai atuma jimata aaʼin.

•   Süküjain tü Bibliakat kepiain waya soʼu tü kaʼi alüʼütkat süpüla sajaʼttüin tü kasa mojusükat (Daniel 8:19).

•   Süküjain tü karaloʼutakat Daniel atkaajiraweena na aluwataaliikana saaʼu wainma mma sainküin mma. Na aluwataaliikana paʼünüüwaajiraweena naya, atkajiraaweena naya saaʼu jaralin chi aluwataakai saaʼu wainma mma. Akataajünüsü wainma maʼin nneerü sünain tia atkawaakat (Daniel 11:41, 42, 43).

 Pütüjeere sooʼomüin süchiki tü sümakat tü Bibliakat süchiki tia pütchikat, pünaja tü videokot Shikeraajia tü süküjatüjütkalia Daniel 11.

•   Süküjain tü Bibliakat najaʼlajeʼereerü Maleiwa napüshuaʼa na sülaülashiikana mma. Niʼitaajeerü «sukuwaʼipa wanee aluwatawaa eeinjatka süpüla kaʼikat süpüshuaʼa. Nnojoleerü jaralüin alaülaajaain saaʼu. Sükajee tia sukuwaʼipakat aluwatawaa, najaʼttireerü Maleiwa süpüshuaʼa sukuwaʼipa aluwatawaa sutuma wayuu, shieetkalaka eein waneepia tü sukuwaʼipakat aluwatawaa nutuma» (Daniel 2:44).

•   Nieechi Jehová a antireechika jimataa aaʼin süpüla kaʼikat süpüshuaʼa, wanee kasa isaka nachiki naaʼinrüin na wayuukana. ¿Jameerü sukuwaʼipa nutuma? Naainjeerü tia nuluwataapeena chejee iipünaajee, najaʼttireerü tü mojulawaakat otta süpüshuaʼa tü sütkaayakat wayuu (Salmo 46:8, 9).

 Pütüjeere sooʼomüin süchiki tü eejeetkat nuluwataapa Maleiwa paashajeʼera tü pütchi «Jimateerü saaʼin wayuu Nuluwataapa Maleiwa».